View Single Post
Old 15 Feb 08, 12:08   #16 (permalink)
Զամունդացի դեմք
VIP Ultra Club
voter's Avatar
Join Date: Dec 2006
Age: 47
Posts: 8,242
Blog Entries: 15
Rep Power: 22 voter is on a distinguished road
Պատասխանը: Re: ի պատասխան այն կարծիքին թէ ժիրայր Սէֆիլյանը լավ տեղեկացված չէ Հայաստանի անցուդարձերուն:

Quote:
Originally Posted by azadakrum View Post
ԱԶԱՏԵԼ ԵՆ` ՍԵՐԺԻՆ ՉԾԱՌԱՅԵԼՈՒ ՀԱՄԱՐ
Մեր թերթում մոտ 10 օր առաջ անդրադարձել էինք □Վարդաշեն□ քրեակատարողական հիմնարկի անվտանգության գծով պետի տեղակալ Գագիկ Հովհաննիսյանին աշխատանքից ազատելու պատմությանը:

Ըստ այդմ, Գ. Հովհաննիսյանին աշխատանքից ազատել էին, քանի որ նրա հայրը` Համլետ Հովհաննիսյանը, ՀՀ առաջին նախագահ, նախագահի թեկնածու Լեւոն Տեր-Պետրոսյանի կողմնակիցներից է: Նա Լոռու մարզի պատասխանատուն է: Մեր հրապարակումից հետո ՀՀ արդարադատության նախարարության քրեակատարողական վարչությունից մի հերքում էին ուղարկել այն մասին, որ Հովհաննիսյանը ազատվել է իր դիմումի համաձայն, եւ նրան ոչ ոք աշխատանքից չի ազատել: Այս հերքումից մի քանի օր անց` փետրվարի 7-ին, Գ. Հովհաննիսյանը ձերբակալվել էր: Իսկ երեք օր անց նրա նկատմամբ խափանման միջոց էր ընտրվել կալանքը: Համլետ Հովհաննիսյանը, ով հատուկ գնդի նախկին հրամանատարն է եւ համանուն հասարակական կազմակերպության վարչության անդամ, մեզ հետ զրույցում պատմեց, թե ինչպես են իրադարձությունները զարգացել: Ըստ այդմ, երբ նախագահական ընտրությունների քարոզարշավը թափ է հավաքել, ՀՀ ԱՆ քրեակատարողական վարչության պետը իր որդուն կանչել է իր մոտ եւ պահանջել է ազատման դիմում գրել: □Իրեն ասել են` Գագիկ ջան, քանի որ հայրդ Ալավերդիում ակտիվ մասնակցել է Լեւոն Տեր-Պետրոսյանի քարոզարշավին, դու պետք է աշխատանքից ազատվես: Համոզել են դիմում գրել, որպեսզի հետագայում հնարավոր լինի նրան այլ, իբր ավելի լավ աշխատանքի ընդունել□,- պատմում է Հ. Հովհաննիսյանը: Վերջինս որդու կողմից դիմում գրելու մասին իմանալուց հետո զայրացել է: Այսինքն, ըստ Հ. Հովհաննիսյանի, եթե ցանկանում էին ազատել, թող աշխատանքից հեռացնեին, ինքը` Գ. Հովհաննիսյանը, չպետք է նրանց ճնշումներին տեղի տար եւ դիմում գրեր: Փետրվարի 1-ից Գ. Հովհաննիսյանն աշխատանքից ազատվել է, իսկ մոտ մեկ շաբաթից նրան ձերբակալել են: Փետրվարի 10-ից նրա նկատմամբ խափանման միջոց է ընտրվել կալանքը: Փաստաբան Հովիկ Արսենյանը մեզ հետ զրույցում ասաց, որ Գ. Հովհաննիսյանի նկատմամբ քրեական հետապնդումն իրականացվում է մի քրեական գործի շրջանակներում, որը հարուցվել է դեռեւս 2007-ի օգոստոսին տեղի ունեցած մի միջադեպի փաստի առիթով: Քրեական գործը քննում է ՀՀ հատուկ քննչական ծառայությունը: Հովհաննիսյանը մեղադրվում է պաշտոնական դիրքի չարաշահման մեջ: Քրեական գործի պատճառը եղել է ավազակային հարձակման համար երեք անգամ դատապարտված եւ ներկայումս պատիժ կրող մի դատապարտյալի բողոքը, ըստ որի` իբր իրեն Գ. Հովհաննիսյանի հրահանգով ծեծել են: Ի դեպ, սույն դատապարտյալի մականունը Մարմնավաճառ (Պուտանկա) է: Ինչեւէ, քրեական գործի աբսուրդն այն է, որ Մարմնավաճառի բողոքում նշված նրան ծեծողների դեմ որեւէ հետապնդում չի իրականացվում, եւ նրանք շարունակում են պաշտոնավարել, իսկ Գ. Հովհաննիսյանն այսօր անազատության մեջ է:

Տեղի ունեցածի պաշտոնական կողմը որեւէ տրամաբանական բացատրության չի դիմում, ուստի նրա ստվերային կողմը առավել ուշագրավ է: Ըստ Համլետ Հովհաննիսյանի, իր որդու ձերբակալությունից հետո ՀՀ գլխավոր դատախազ Աղվան Հովսեփյանը իրենց ընդհանուր ծանոթի միջոցով Գ. Հովհաննիսյանին ազատելու պայման է առաջարկել: □ՀՀ գլխավոր դատախազ Աղվան Հովսեփյանն ասել էր, որ Համլետին ասեք, թող հետ կանգնի իր քաղաքական հայացքներից, մենք էլ իր որդուն բաց թողենք: Ես էլ պատասխանեցի, որ գնացեք ասեք, ասենք, հետ եմ կանգնում, թող որդուս բաց թողնի□,- պատմում է Հովհաննիսյանը: Բնականաբար, Հովսեփյանը հասկացել է, որ Հ. Հովհաննիսյանն իրեն հեգնել է, եւ պահանջել է, որ նա Սերժ Սարգսյանի օգտին աշխատի, որից հետո խոստացել է ազատ արձակել նրա որդուն: □Մի մարդ, որը պատրաստ է մի գրչի հարվածով ուրիշի երեխայի ճակատագիրը խորտակել, ապա կարող է նույն կերպ նաեւ իր երեխայի հետ վարվել□,- ասում է Հ. Հովհաննիսյանը: Ինչեւէ, գլխավոր դատախազը խոստացել է Գ. Հովհաննիսյանի կալանավորման խնդրին անդրադառնալ փետրվարի 20-ին: □Նա իր ձեւով փետրվարի 20-ին կանդրադառնա իմ որդուն ազատությունից զրկելու խնդրին, ես իմ ձեւով այդ կանեմ□,- ասում է հատուկ գնդի նախկին հրամանատարը: Այս ամենից հետո նա հռետորական հարց է բարձրացնում` ո՞վ է այժմ իրականում չարաշահում պաշտոնական դիրքը` իր որդի՞ն, թե՞ Հովսեփյանը, ով իր ձեռքի տակ եղած ողջ համակարգը ներդրել է մեկ մարդու` նախագահի իշխանական թեկնածուի` Սերժ Սարգսյանի շահերը սպասարկելու համար: Հատուկ գնդի հրամանատարի խոսքերով, տեղի ունեցածն ունի նաեւ լուրջ բարոյական կողմ: □Ես սկզբից մինչեւ վերջ մասնակցել եմ Ղարաբաղյան պատերազմին: Ես պատերազմում հաղթած հրամանատար եմ: Այսօր Ղարաբաղից եկած ինչ-որ երկու անձնավորության ծառաները փորձում են խորտակել նրանց երկիրն ազատագրած մարդու երեխայի ճակատագիրը□,- ասում է Համլետ Հովհաննիսյանը:
ՎԱՀԱԳՆ ՀՈՎԱԿԻՄՅԱՆ
Ըհը, արդեն սա լուրջ է ու կարծում եմ, շատերի համար կասկածների փարատման հնարավորություն կլինի, իսկ Հովսեփյանին քաղաքական բանտարկյանլերի շարքշ դասելու հիմք...
 
voter is offline  
Reply With Quote
 
 

All times are GMT +4. The time now is 00:36.

 v.0.91  v.1  v.2 XML Feeds JavaScript Feeds


Powered by vBulletin® Version 3.8.7
Copyright ©2000 - 2020, vBulletin Solutions, Inc.



Liveinternet
User Control Panel
Networking Networking
Social Groups Social Groups
Pictures & Albums All Albums
What's up
Who's Online Who's Online
Top Statistics Top Statistics
Most Active Forumjans Most Active Forumjans

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61