|
Re: Բա սենց բան կլինի՞
Աբելն ու (Porsche) Կայենը
Դատեք Ինքներդ
# Ժառանգաբար կարող են փոխանցվել ոչ միայն փողն ու հիվանդությունները, այլ նաև իշխանությունը: Եթե ես իշխանության ղեկին եմ, կամ զբաղեցնում եմ հասարակությունում որևէ դիրք, ապա ձգտում եմ այդ դիրքը ժառանգաբար փոխանցել որդիներիս, որպեսզի նրանք էլ օգտվեն իշխանության բարիքներից և զգան մարդկանց վրա իշխելու բերկրանքը: Ավտորիտար ռեժիմների ապահովագրությունը հենց իշխանության ժառանգական փոխանցման մեջ է: Միայն հարազատ մարդը` որդին կարող է երաշխավորել, որ քեզանից հետո իշխանության գալով, քեզ չի դատապարտի իշխանության մեջ եղած ժամանակ գործած մեղքերի համար: Իսկ մեղքեր անշուշտ կլինեն և բազմաթիվ, չէ որ խոսք է գնում ավտորիտար` բռնապետական ռեժիմի ղեկավարի մասին:
# Անկախ նրանից թե ինչքան դեմոկրատական անուն կընտրեն երկրի ղեկավարի համար պրեզիդենտ թե ավելի նուրբ մի բան, սակայն եթե մի երկրում իշխանությունը վերարտադրվում է իր ներսում, առավել ևս եթե փոխանցվում է ժառանգաբար, այդ երկրում ավտորիտար ռեժիմ է:
# Խորհրդային Միության փլուզման խորքային պատճառներից մեկը հենց իշխանության ոչ ժառանգականությունն էր: Քաղբյուրոյի անդամներն օգտվում էին իշխանության բոլոր բարիքներից, ծառայողական մեքենաներից, գեղեցիկ ու երիտասարդ քարտուղարուհիներից, պետական ամառանոցներից, արտասահմանյան ուղևորություններից, սակայն այդ ամենը տևում էր ուղիղ այնքան, որքան նրանք դեռ պաշտոնավարում էին: Թոշակի անցնելուն պես նրանց դրախտային կյանքը հօդս էր ցնդում: Շատ շատերը ովքեր դեռ երեկ հերթ էին կանգնում նրանց բարևելու կամ կենացը բանաստեղծություններով համեմված խմելու համար, պաշտոնանկությունից հետո նույնիսկ չէին էլ բարևում: Իսկույն վերանում էին բոլոր առավելությունները, որոնք նրանք ունեին պաշտոնավարման ընթացքում և նրանց հարազատները հայտնվում էին ափիբերան վիճակում: ՍՍՀՄ ստեղծումից հետո, ավելի կոնկրետ Ստալինի մահից հետո բոլոր ղեկավարները փորձել են ինչ որ կերպ իրականացնել իշխանության ժառանգականության մեխանիզմներ: Իրար հաջորդող բոլոր ղեկավարները միմյանց մեղադրել են իշխանությունը չարաշահելու մեջ, դրանով իսկ արդարացրել են իրենց զավթելու և բռնի պահելու իրավունքը:
# Եվրոպական մի շարք կառույցների անդամ Ադրբեջանում 21-րդ դարում երկրի իշխանությունը հայրը ուղղակիորեն փոխանցեց որդուն: Նույնը կատարվում էր սուլթանական Թուրքիայում հարյուրամյակներ առաջ, սակայն այսօր աշխարհը պետք է որ զարմանար: Չեչնայում նույնպես հոր մահից հետո նախագահ դարձավ որդին, որն ի դեպ նախագահ դառնալուց հետո իր ավտոպարկը համալրեց մեկ միլիոն եվրո արժողությամբ լամբորջինի մեքենայով:
#
#
# Lamborghini Revention` արտադրվել է 20 հատ
# Արժեքը 1 000 000 եվրո
# Սեփականատերը` Չեչնիայի նախագահ Կադիրով (կրտսեր)
|
