28 Feb 11, 13:18
|
#58 (permalink)
|
Join Date: Apr 2009
Location: 亞美尼亞
Rep Power: 19 
|
Re: "Моя армянска милиция меня защитит" или в армении даже педофил может уйти от ответственности, были бы деньги и связи
Quote:
Հայաստանի ոստիկանության պետ Ալիկ Սարգսյանը փետրվարի 26-ին հրամանագիր է ստորագրել ոստիկանության քրեական հետախուզության գլխավոր վարչության պետ, գեներալ-մայոր Հովհաննես Թամամյանին եւ Արաբկիրի բաժնի պետ Վարազդատ Ադամյանին զբաղեցրած պաշտոններից ազատելու եւ կադրերի ռեզերվ տեղափոխելու մասին: Այդ լուրը NEWS.am-ի թղթակցի հետ զրույցում հաստատեց լրատվության վարչության աշխատակից Արմեն Մալխասյանը: Վերջինս չմեկնաբանեց մամուլում տարածված այն տեղեկությունները, թե Թամամյանն ու Ադամյանը ազատվել են պաշտոնից ինչ-որ մութ պատմության արդյունքում:
Ի դեպ, նա հաստատեց, որ այսօր` փետրվարի 28-ի առավոտյան մահացել է Հովհաննես Թամամյանի հայրը՝ Ղուկաս Թամամյանը:
Ինչպես արդեն հայտնել է NEWS.am-ը, վկայակոչելով մամուլի հրապարակումները, Հատուկ քննչական ծառայությունում քրեական գործ կա հարուցված, որում առկա են մի շարք բարձրաստիճան ոստիկանների անուններ, մասնավորապես, ՀՀ ոստիկանության Արաբկիրի բաժնի պետ Վարուժան Ադամյանի, ոստիկանության քրեական հետախուզության գլխավոր վարչության պետ Հովհաննես Թամամյանի եւ ոստիկանության Երեւանի քաղաքային վարչության պետ Ներսիկ Նազարյանի անունները։ Ըստ որոշ տեղեկությունների, խոսքը 150 հազար դոլարի կաշառքի եւ Արաբկիրի նախկին թաղապետ Հովհաննես Շահինյանի քրոջ որդու վրա սպանության մի գործ բարդելու մասին է։
Հատկանշական է այն, որ ոստիկանության քրեական հետախուզության գլխավոր վարչության պետ Հովհաննես Թամամյանն, ըստ մամուլի հրապարակման, արդեն ազատվել էր աշխատանքից, սակայն ոստիկանության մամուլի ծառայությունը փետրվարի 26-ին NEWS.am-ի թղթակցի հետ զրույցում հերքել էր, թե Հովհաննես Թամամյանը հեռացվել է աշխատանքից:
|
и в догонку )))
Quote:
Հովիկ Թամամյանի հայրն ինքնասպան է եղել
Այսօր գիշերը ինքնասպան է եղել ՀՀ ոստիկանության քրեական հետախուզության գլխավոր վարչության նախկին պետ, ոստիկանության գնդապետ Հովհաննես Թամամյանի հայրը։ Դեռ անցյալ ուրբաթ Հովիկ Թամամյանը հեռացվել էր աշխատանքից, քանի որ Թամամյանի անմիջական ցուցումով սպանության մեղադրանք էր բարդվել ԱԺ նախագահի խորհրդական Հովհաննես Շահինյանի քրոջ որդու վրա:
Հիշեցնենք, որ ՀՀ ԱԺ «Մարտի 1-ի» ժամանակավոր հանձնաժողովին Հ.Թամամյանը հայտարարել էր, թե մարտի 1-ի առավոտվա օպերատիվ միջոցառումը, այսինքն` ցուցարարներին «Ազատության» հրապարակից քշելն ու հետապնդելը, ղեկավարել է ինքը:
Հիշեցնենք նաև, որ Հ. Թամամյանը կապված էր մի քանի այլ աղմկահարույց գործերի հետ ևս: Մասնավորապես, ոստիկանության բաժանմունքի շենքում սպանված Լևոն Գուլյանի ազգականները վստահեցնում էին, որ Լևոնին ոստիկանություն է բերել այն ժամանակ քրեական հետախուզության գլխավոր վարչության պետի տեղակալ Հովիկ Թամամյանը:
Թամամյանը հայտնի է նաև որպես Կենտրոնի նախկին ոստիկանապետ, որը աչքի է ընկել 2004 թվականի ապրիլին ընդդիմության համախոհների, այդ թվում՝ երիտասարդ աղջիկների հանդեպ կիրառված բռնությունները և ծեծը ղեկավարելով:
|
не выдержала душа "поэта"!!  |
| |
__________________
Плохая примета – сесть на тюбик вазелина.
|
|
|
|
