VIP Forums Muzblog Chat Games Gallery. Форум, муздневники, чат, игры, галлерея.

Ամիգո ջան, խոսքս ոչ թե գրելու ցանկությանս բացակայության մասին է, այլ որ ուղղակի կուզենայի պատկերացնել, թե ես ինչպես կարող եմ զրուցակից դառնալ ընդհանուրիդ: Չէ որ հոգևորականը չի կարող նույն ազատությունն ունենալ որոշ թեմաների շուրջ, ինչ որ աշխարհիկները? Իսկ հայերեն գրել սովորեցնելու նախաձեռնությունը ես ողջունում եմ երկու ձեռքով: Կարծում եմ յուրաքանչյուրը, որ կարող է իր մայրենի լեզվով ինչ-որ կերպ շփվել, պետք է վարվի հենց այդպես: Թող դա լինի թեկուզ սխալներով, ոչինչ, այստեղ հայերենից ստուգողական գրավոր չենք գրում: Իսկ նման քայլը մղում կդառնա, որ ֆորումը ևս մեկ դրական իմաստ ունենա աշխարհով մեկ տարածված մեր հայրենակիցների կյանքում: Ես այդ իսկ պատճառով նախընտրում եմ հայերեն գրել և հակառակ պարագային դիմում եմ միայն ծայրահեղ դեպքերում, երբ զրուցակիցն ընդհանրապես չի հասկանում ինձ:

__________________

Եկեղեցին Հայկական ծննդավայրն է հոգուս... (Վ. Թեքեյան)