Forum Blogs VIP Armenia Community Chat All Albums

VIP Forums Muzblog Chat Games Gallery. Форум, муздневники, чат, игры, галлерея.

Press here to open menubar...User Control Panel WAP/Mobile forum Text Only FORUM RULES FAQ Calendar
Go Back   VIP Armenia Community > Forum > General Discussions > Religion
Blogs Members List Social Groups Mark Forums Read Press here to open menubar...


Notices

Religion For Armenians Christianity is like skin color, it can’t be changed or thrown off.

Reply
 

Молитвы

LinkBack Thread Tools Display Modes
Old 20 Mar 07, 14:28   #29 (permalink)
ДИАКОН
VIP Club
MONK's Avatar
Join Date: Mar 2007
Location: Holy Etchmiadzin
Age: 42
Posts: 728
Rep Power: 16 MONK is on a distinguished road
ՀԱՎԱՏՈՎ ԽՈՍՏՈՎԱՆԻՄ


--------------------------------------------------------------------------------



ԱՂՕԹՔ ՊԻՏԱՆԻՔ ԻԻՐԱՔԱՆՉԻԻՐ ԱՆՁԻՆ ՀԱՎԱՏԱՑԵԼՈՑ Ի ՔՐԻՍՏՈՍ

ԱՐԱՐԵԱԼ ՍՐԲՈՅՆ ՆԵՐՍԵՍԻ ՇՆՈՐՀԱԼԻՈՅ ՀԱՅՈՑ ԿԱԹՈՂԻԿՈՍԻ



I

Հավատով խոստովանիմ եւ երկիր պագանեմ քեզ,

Հայր եւ Որդի եւ սուրբ Հոգի,

Անեղ եւ անմահ բնութիւն,

Արարիչ հրեշտակաց եւ մարդկան եւ ամենայն եղելոց,

Եւ ողորմեա քո արարածոց եւ ինձ՝ բազմամեղիս:



II

Հավատով խոստովանիմ եւ երկիր պագանեմ քեզ,

Անբաժանելի լոյս՝ միասնական սուրբ Երրորդություն եւ մի Աստվածութիւն՝

Արարիչ լուսոյ եւ հալածիչ խաւարի,

Հալածեա ի հոգւոյ իմմէ զխաւար մեղաց եւ անգիտութեան,

Եւ լուսաւորեա զմիտս իմ ի ժամուս յայսմիկ՝

Աղօթել քեզ ի հաճոյս

Եւ ընդունիլ ի քէն զխնդրուածս իմ,

Եւ ողորմեա քո արարածոց եւ ինձ՝ բազմամեղիս:



III

Հայր երկնաւոր Աստուած ճշմարիտ,

Որ առաքեցեր զՈրդիդ քո սիրելի ի խնդիր մոլորեալ ոչխարին,

Մեղայ յերկինս եւ առաջի քո,

Ընկալ զիս որպես զանառակ որդին,

Եւ զգեցո ինձ պատմուճանն առաջին,

Զոր մերկացայ մեղօք,

Եւ ողորմեա քո արարածոց եւ ինձ՝ բազմամեղիս:



IV

Որդի Աստուծոյ` Աստուած ճշմարիտ,

Որ խոնարհեցար ի հայրական ծոցոյ

Եւ առեր մարմին ի սրբոյ կուսէն Մարիամայ վասն մերոյ փրկության,

Խաչեցար, թաղեցար եւ յարեար ի մեռելոց,

Եւ համբարձար փառօք առ Հայր,

Մեղայ յերկինս եւ առաջի քո,

Հիշեա զիս որպես զավազակն,

Յորժամ գաս արքայութեամբ քով,

Եւ ողորմեա քո արարածոց եւ ինձ՝ բազմամեղիս:



V

Հոգի Աստուծոյ, Աստուած ճշմարիտ,

Որ իջեր ի Յորդանան եւ ի վերնատունն

Եւ լուսաւորեցեր զիս մկրտութեամբ սուրբ աւազանին,

Մեղայ յերկինս եւ առաջի քո,

Մաքրեա զիս վերստին աստուածային հրով քով,

Որպէս հրեղէն լեզուօք զառաքեալսն,

Եւ ողորմեա քո արարածոց եւ ինձ՝ բազմամեղիս:



VI

Անեղ բնութիւն, մեղայ քեզ մտօք իմովք,

Հոգւով եւ մարմնով իմով,

Մի յիշեր զմեղս իմ զառաջինս

Վասն անուանդ քում սրբոյ,

Եւ ողորմեա քո արարածոց եւ ինձ՝ բազմամեղիս:



VII

Տեսո'ղ ամէնայնի,

Մեղայ քեզ խորհրդով, բանիւ եւ գործով,

Ջնջեա' ձեռագիր յանցանաց իմոց

Եւ գրեա զանուն իմ ի դպրութեան կենաց,

Եւ ողորմեա քո արարածոց եւ ինձ՝ բազմամեղիս:



VIII

Քննող գաղտնեաց,

Մեղայ քեզ կամայ եւ ակամայ,

Գիտութեամբ եւ անգիտութեամբ,

Թողութիւն շնորհեա մեղաւորիս,

Զի ի ծննդենէ սուրբ ավազանին մինչև ցայսօր

Մեղուցեալ եմ առաջի աստուածութեանդ քո՝

Զգայարանոք իմովք եւ ամենայն անդամօք մարմնոյս,

Եւ ողորմեա քո արարածոց եւ ինձ՝ բազմամեղիս:



IX

Ամենախնամ Տեր,

Դի'ր պահապան աչաց իմոց զերկիւղ քո սուրբ՝

Ո՛չ եւս նայիլ յարատ,

Եւ ականջաց իմոց՝ ո՛չ ախորժել լսել զբանս չարութեան,

Եւ բերանոյ իմոյ՝ ո՛չ խոսիլ զստութիւն,

Եւ սրտի իմոյ՝ ո՛չ խորհիլ զչարութիւն,

Եւ ձեռաց իմոց՝ ո՛չ գործել զանիրավութիւն,

Եւ ոտից իմոց՝ ո՛չ գնալ ի ճանապարհս անօրենութեան,

Այլ ուղղեա զշարժումն սոցա՝

Լինիլ ըստ պատուիրանաց քոց յամենայնի,

Եւ ողորմեա քո արարածոց եւ ինձ՝ բազմամեղիս:



X

Հուր կենդանի Քրիստոս,

Զհուր սիրոյ քո, զոր արկեր յերկիր, բորբոքեա յանձն իմ,

Զի այրեսցէ զախտ հոգւոյ իմոյ,

Եւ սրբեսցէ զխիղճ մտաց իմոց,

Եւ մաքրեսցէ զմեղս մարմնոյ իմոյ,

Եւ վառեսցէ զլոյս գիտութեան քո ի սրտի իմում,

Եւ ողորմեա քո արարածոց եւ ինձ՝ բազմամեղիս:



XI

Իմաստութիւն Հօր Յիսուս,

Տուր ինձ զիմաստութիւն

Զբարիս խորհել եւ խոսել եւ գործել առաջի քո յամենայն ժամ,

Ի չար խորհրդոց, ի բանից եւ ի գործոց փրկեա զիս,

Եւ ողորմեա քո արարածոց եւ ինձ՝ բազմամեղիս:



XII

Կամեցող բարեաց, Տեր կամարար,

Մի թողուր զիս ի կամս անձին իմոյ գնալ,

Այլ առաջնորդեա ինձ

Լինիլ միշտ ըստ կամաց քոց բարեսիրաց,

Եւ ողորմեա քո արարածոց եւ ինձ՝ բազմամեղիս:



XIII

Արքա երկնավոր,

Տուր ինձ զարքայություն քո, զոր խոստացար սիրելեաց քոց,

Եւ զօրացո զսիրտ իմ ատել զմեղս

Եւ սիրել զքեզ միայն եւ առնել զկամս քո,

Եւ ողորմեա քո արարածոց եւ ինձ՝ բազմամեղիս:



XIV

Խնամող արարածոց,

Պահեա նշանաւ խաչի քո զհոգի եւ զմարմին իմ,

Ի պատրանաց մեղաց, ի փորձութեանց դիւաց,

Եւ ի մարդոց անիրաւաց,

Եւ յամենայն վտանգից՝ հոգւոյ եւ մարմնոյ,

Եւ ողորմեա քո արարածոց եւ ինձ՝ բազմամեղիս:



XV

Պահապան ամենայնի Քրիստոս,

Աջ Քո հովանի լիցի ի վերայ իմ, ի տուէ եւ ի գիշերի,

Ի նստիլ ի տան, ի գնալ ի ճանապարհ, ի ննջել եւ ի յառնել,

Զի մի երբեք սասանեցայց,

Եւ ողորմեա Քո արարածոց եւ ինձ՝ բազմամեղիս:



XVI

Աստուած իմ, որ բանաս զձեռն Քո,

Եւ լնուս զամենայն արարածս ողորմութեամբ Քով,

Քեզ յանձն առնեմ զանձն իմ,

Դո'ւ հոգա եւ պատրաստեա զպէտս հոգւոյ եւ մարմնոյ իմոյ

Յայսմհետէ մինչև յաւիտեան,

Եւ ողորմեա Քո արարածոց եւ ինձ՝ բազմամեղիս:



XVII

Դարձուցի'չ մոլորելոց,

Դարձո զիս ի չար սովորութեանց իմոց ի բարի սովորութիւն,

Եւ բեւեռեա ի հոգի իմ զսոսկալի օր մահուան,

Եւ զերկիւղ գեհենոյն եւ զսէր արքայութեանն,

Զի զղջացայց ի մեղաց եւ գործեցից զարդարութիւն,

Եւ ողորմեա Քո արարածոց եւ ինձ՝ բազմամեղիս:



XVIII

Աղբիւր անմահութեան,

Աղբերացո ի սրտէ իմմէ զարտասուսս ապաշխարութեանն որպէս պոռնկին,

զի լուացից զմեղս անձին իմոյ յառաջ քան զելանելն իմ աշխարհէս,

Եւ ողորմեա Քո արարածոց եւ ինձ՝ բազմամեղիս:



XIX

Պարգեւիչ ողորմութեան,

Պարգեւեա ինձ ուղղափառ հավատով եւ բարի գործով,

Եւ սուրբ մարմնոյ եւ արեան Քո հաղորդութեամբ գալ առ Քեզ,

Եւ ողորմեա Քո արարածոց եւ ինձ՝ բազմամեղիս:



XX

Բարերար Տեր,

Հրեշտակի բարվոյ յանձն արասցես զիս՝

Քաղցրութեամբ աւանդել զհոգի իմ

Եւ անխռով անցուցանել ընդ չարութիւն այսոցն,

Որք են ի ներքոյ երկնից,

Եւ ողորմեա Քո արարածոց եւ ինձ՝ բազմամեղիս:



XXI

Լոյս ճշմարիտ Քրիստոս,

Արժանաւորեա զհոգի իմ ուրախութեամբ տեսանել

Զլոյս փառաց քոց ի կոչման աւուրն,

Եւ հանգչիլ յուսով բարեաց յօթևանս արդարոց,

Մինչեւ յօր մեծի գալստեանն Քո,

Եւ ողորմեա Քո արարածոց եւ ինձ՝ բազմամեղիս:



XXII

Դատաւոր արդար,

Հօրժամ գաս փառօք Հօր՝ դատել զկենդանիս և զմեռեալս,

Մի' մտաներ ի դատաստան ընդ ծառայի քում,

Այլ փրկեա զիս ի յաւիտենական հրոյն,

Եւ լսելի արա ինձ երանաւետ կոչումն արդարոց՝

Յերկնից արքայութիւնդ,

Եւ ողորմեա Քո արարածոց եւ ինձ՝ բազմամեղիս:



XXIII

Ամենողորմ Տեր,

Ողորմեա ամենայն հաւատացելոց ի քեզ,

Իմոց եւ օտարաց, ծանոթից եւ անծանօթից, կենդանեաց եւ մեռելոց,

Շնորհեա եւ թշնամեաց իմոց եւ ատելեաց զթողութիւն՝

Որ առ իս յանցանաց,

Եւ դարձո զնոսա ի չարեացն, զոր ունին վասն իմ,

Զի ողորմութեան քում արժանի եղիցին,

Եւ ողորմեա Քո արարածոց եւ ինձ՝ բազմամեղիս:



XXIV

Փառաւորեալ Տեր, ընկալ զաղաչանս ծառայիս Քո

Եւ կատարեա ի բարի զխնդրուածս իմ,

Բարեխոսութեամբ սրբուհւոյ Աստուածածնին,

Եւ Յովհաննու Մկրտչին,

Եւ սրբոյն Ստեփաննոսի Նախավկային,

Եւ սրբոյն Գրիգորի մերոյ Լուսաւորչին,

Եւ սրբոց առաքելոց, մարգարէից, վարդապետաց, մարտիրոսաց,

Հայրապետաց, ճգնաւորաց, կուսանաց, միանձանց եւ ամենայն սրբոց քոց՝

Երկնաւորաց եւ երկրաւորաց:

Եւ Քեզ փառք եւ երկրպագութիւն

Անբաժանելի սուրբ Երրորդութեանդ,

Յաւիտեանս յաւիտենից: Ամէն:
 
__________________
Եկեղեցին Հայկական ծննդավայրն է հոգուս... (Վ. Թեքեյան)
MONK is offline  
Reply With Quote
Old 20 Mar 07, 14:31   #30 (permalink)
ДИАКОН
VIP Club
MONK's Avatar
Join Date: Mar 2007
Location: Holy Etchmiadzin
Age: 42
Posts: 728
Rep Power: 16 MONK is on a distinguished road
Ցանկացողները կարող են այստեղ գտնել Ս. Գրիգոր Նարեկացու <<Մատեան ողբերգութեանը>>.

 
__________________
Եկեղեցին Հայկական ծննդավայրն է հոգուս... (Վ. Թեքեյան)
MONK is offline  
Reply With Quote
Reply

Thread Tools
Display Modes

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off
Trackbacks are Off
Pingbacks are Off
Refbacks are Off


 

All times are GMT +4. The time now is 03:48.

 v.0.91  v.1  v.2 XML Feeds JavaScript Feeds


Powered by vBulletin® Version 3.8.7
Copyright ©2000 - 2023, vBulletin Solutions, Inc.



Liveinternet
User Control Panel
Networking Networking
Social Groups Social Groups
Pictures & Albums All Albums
What's up
Who's Online Who's Online
Top Statistics Top Statistics
Most Active Forumjans Most Active Forumjans

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89