VIP Forums Muzblog Chat Games Gallery. Форум, муздневники, чат, игры, галлерея.

Հայ Արիական Միաբանության Գերագույն Խորհուրդն իր մտահոգությունն է հայտնում Ջավախքում սանձազերծված հերթական սադրանքի առիթով:
Վրացական իշխանությունները Ջավախքի իրենց խամաճիկային □հայ□ սպասավորների հետ պարբերաբար դավեր են նյութում ջավախքահայության հանդեպ, որպեսզի հասնեն իրենց գերնպատակին՝ հայաթափեն Ջավախքը:
Հայկական Ջավախքն այսօր կանգնած է հայաթափված Նախիջեւանի ճակատագրին արժանանալու ճանապարհին: Ժամանակին աշխարհի աչքի առաջ կատարվածն այսօր դառն իրողություն է:
Հալածանքներ եւ հետապնդումներ են իրականացվում հատկապես Ջավախքի հայրենասիրական ուժերի նկատմամբ: Որոշ դեպքերում այս սադրանքներին նպաստեցին նաեւ ՀՀ իշխանությունները՝ մի շարք դեպքերում պատրաստակամորեն կատարելով Վրաստանի իշխանությունների խնդրանք-պատվերը:
(Հիշենք՝ □Միասնական Ջավախք□ ժողովրդավարական դաշինքի ղեկավարներից Վահագն Չախալյանի հայաստանյան դատավարությունն ու նրա վտարումը ՀՀ-ից, նաեւ՝ Գուրգեն Շիրինյանի դանակահարումը Երեւանում՝ հայաստանաբնակ ջավախքահայերի օգտագործմամբ, որի հետեւում, ըստ զլմ-ների, կանգնած էր Ախալքալակի ոստիկանապետը: Հիշենք նաեւ՝ Արթուր Պողոսյանի նկատմամբ սադրանքը Ջավախքում, նրա կալանավորումն ու դատապարտումը՝ Ախալքալաքի դատախազի մասնակցությամբ):
Չբավարարվելով հայորդիների ահաբեկմամբ ու դատավարություններով՝ հայ հորջորջվող կամակատարները լծվել են հայրենասեր ջավախքցիների ֆիզիկական ոչնչացման գործին, որն անմիջականորեն ղեկավարվում է վրացական հատուկ ջոկատայինների կողմից:
Հուլիսի 17-ին Ախալքալաքի ոստիկանապետի տան մոտ իրականացված անիմաստ պայթյունը (ինչի հետեւանքով ոչ տունն է տուժել, ոչ էլ որեւէ մեկը) պատճառ է դարձել, որպեսզի անօրեն կերպով ոստիկանատուն տարվեն Գուրգեն Շիրինյանի □Միասնական Ջավախք□ ԺԴ-ի բազմաթիվ անդամներ, խուզարկվել եւ ավերվել է կազմակերպության գրասենյակը, որից հետո ոստիկանության աշխատակիցները քաղաքացիական հագուստով անձանց հետ հարձակվել են Գուրգեն Շիրինյանի տան վրա, որի ժամանակ անհայտ պայմաններում մի ոստիկան է զոհվել:
Հայ Արիական Միաբանության Գերագույն Խորհուրդը իր վճռական բողոքն է հայտնում եւ պահանջում է՝
1. Վրաստանի իշխանություններից՝ դադարեցնել ջավախքահայ հայրենասեր ուժերի նպատակային հետապնդումները, ինչպես նաեւ՝ հայտնաբերել եւ պատժել սադրանքի իրական մեղավորներին, ովքեր պարբերաբար չարաշահում են իրենց պաշտոնական դիրքն ու իրավունքները:
2. Հայաստանի իշխանություններից՝ անհապաղ միջամտել Ջավախքի հայ բնակչության իրավունքները դիվանագիտական ամենաբարձր մակարդակով պաշտպանելու համար:
3. Ջավախքահայերից՝ տեր կանգնել սեփական երկրամասին ու Ջավախքի ճակատագրով մտահոգ ջավախքահայերին, որոնց նկատմամբ կիրառվող սադրանքները կարող են գործածվել յուրաքանչյուր ջավախքահայի նկատմամբ:
4. Համայն հայությունից ու միջազգային հանրությունից՝ լուրջ ազդեցությամբ կասեցնել դեպքերի հետագա սրումը Ջավախքում:
Մենք թույլ չենք տա, որ Վրաստանի իշխանությունները փորձեն Աբխազիայի եւ Հարավային Օսիայի աղմկահարույց իրադարձությունների միջազգային քողի տակ □լուծել□ Ջավախքի հարցը:

Հայ Արիական Միաբանության
Գերագույն Խորհուրդ
21.07.2008թ.