Հարգանքներիս հավաստիքը, Հայ Քրիստոնյա : Ուրախ եմ Ձեզ ողջունելու
Ներողություն, բայց այդ Դուք լավ չգիտեք, թե ինչ գիտեմ ես, ուստի կխնդրեի չշտապել եզրահանգումներ անելուց և Սուրբ Գրքից մեջբերում անելուց առաջ չէր խանգարի, եթե նախ ինքներդ խորամուխ լինեիք դրա իմաստի մեջ:
Ես ոչ միայն Հայ Առաքելական Եկեղեցու զավակ եմ, այլև հոգևորական:
Ոչ, ճիշտ չէ: Հայաստանյայց Առաքելական Եկեղեցին անբաժան մասն է մեր Տիրոջ և Նրա Առաքյալների կողմից հաստատած Ընդհանրական Եկեղեցու, որ կազմում են քույր Եկեղեցիները` արևելյան հնագույն հինգ ազգային Եկեղեցիները (Հայ Առաքելական, Ղպտի, Ասորի, Հնդիկ Մալաբար և Եթովպական), Կաթոլիկ և Ուղղափառ Եկեղեցիները:
Դուք ցանկանում եք ասել, որ Քրիոստոնեական Առաքելահաստատ Եկեղեցին շեղվել է Աստծո Խոսքից...? Ավետարանի Խոսքը մեկն է, և ուղղափառ դավանությամբ քրիստոնյաները այդ Ավետարանի հետևորդն են: Ես միայն կհիշեմ Սրբազան Առաքյալի խոսքերը. <Եթե անգամ երկնքից մի հրեշտակ քարոզի ձեզ այլ Ավետարան, որ մենք չքարոզեցինք, թող նզովյալ լինի>:Քանի որ նման բեռ եք վերցնում Ձեզ վրա` շեղված հայտարարել մեր բոլորիս Մայր Եկեղեցին, ապա նաև բարի եղեք բացատրություն տալ Ձեր խոսքերի համար: Միայն աղոթում եմ, որ գեթ մի փոքր հետևեիք Ձեր մեջբերած <Մի՛ դատիր, որ չդատվես> պատգամին:
Ի տարբերություն Ձեզ` իմ ազգությունը և իմ հավատը ինձ համար բարձր կամ ցածր լինելու խնդիր չեն ներկայացնում: Երկուսն է լ ես ընդունում եմ իբրև Աստծո օրհնությունը ինձ:
Ես Ձեզ ոչինչ էլ չեմ ասի, բացի Տիրոջ Խոսքից <Դու ասացիր>:
Ես ևս աղոթում եմ Ձեզ համար և հավատում, որ Դուք մի օր, ըստ Տիրոջ Խոսքի, <Կճանաչեք Ճշմարտությունը, և Ճշմարտությունը կազատի ձեզ>:
Ես ապրում եմ ամենայն հայոց հոգևոր կենտրոնում` Մայր Աթոռ Սուրբ Էջմիածնում: Միշտ ուրախ կլինեմ հյուրընկալելու:

__________________

Եկեղեցին Հայկական ծննդավայրն է հոգուս... (Վ. Թեքեյան)