VIP Forums Muzblog Chat Games Gallery. Форум, муздневники, чат, игры, галлерея.

ХичКОК · 07 Oct 10, 19:15

Quote:

Զինվորին կախել է դասակի հրամանատարը
13:21 Yerevan | 9:21 GMT | Thursday 7 October 2010
Զինվորին կախել է դասակի հրամանատարը

Իրական ստորություն

Երեկ մեզ հայտնի դարձավ տեղեկություն այն մասին, որ ձերբակալվել եւ Երեւան են տեղափոխվել Ղարաբաղի այն զորամասի դասակներից մեկի հրամանատարն ու չորս զինվորներ, որտեղ օրերս նկուղում կախված էր հայտնաբերվել զինծառայող Սամվել Խաչատրյանը: Հիշեցնենք, որ պաշտպանության նախարարությունը կրկին այդ տեղեկատվությունը տարածել էր ինքնասպանության վարկածով: Բայց այժմ ձերբակալվել է Սամվել Խաչատրյանի դասակի հրամանատարն ու զորամասի եւս չորս զինվոր: Թե ինչպե՞ս կզարգանան հետագա իրադարձությունները, ինչպե՞ս կընթանա քննությունը, ցույց կտա ժամանակը: Իսկ արդեն իսկ տեղի ունեցած իրադարձությունները շարունակում են առաջացնել բազմաթիվ հարցեր` բանակի իրավիճակի հետ կապված: Մասնավորապես` կան հարցեր, որոնք կարծես թե բանակի թեմատիկայի շուրջ հասարակական քննարկումների ընթացքում այդքան էլ առաջնային դիրքերում չեն եղել: Մինչդեռ դրանք կարծես թե բավական կարեւոր հարցեր են, որոնք չպետք է դուրս մնան հանրային ուշադրության եւ հանրային պահանջատիրության շրջանակներից: Մասնավորապես` ինչո՞ւ բանակային ողբերգությունների շղթայի պատասխանատուների շարքում չի դրվում Ղարաբաղի պաշտպանական բանակի հրամանատար, ըստ էության ԼՂՀ պաշտպանության նախարար Մովսես Հակոբյանի պատասխանատվության հարցը: Չէ՞ որ բանակային դեպքերից շատերը, այդ թվում եւ Սամվել Խաչատրյանի մահվան դեպքը, եղել են հենց ղարաբաղյան զորամասերում: Թե՞ Մովսես Հակոբյանի պատասխանատվության շրջանակը տարածվում է միայն Երեւանում, Մոնումենտում կառուցվող նրա տան, ինչպես նաեւ Ղարաբաղի բանակի սննդի` կաթի, մսի, ձվի մատակարարման բիզնեսի վրա, որն, ըստ որոշ տեղեկությունների, գտնվում է Մովսես Հակոբյանի հովանավորության ներքո: Հաջորդ հարցն այն է, թե ինչո՞ւ ամենաբարձր մակարդակով չի դրվում Հայաստանի զինված ուժերի գլխավոր շտաբի պետ Յուրի Խաչատուրովի պաշտոնավարման նպատակահարմարության հարցը, քանի որ զինված ուժերում առկա վիճակը ուղղակիորեն խոսում է այն մասին, որ գլխավոր շտաբի պետը չի տիրապետում զինված ուժերի իրավիճակին, եւ ակնհայտորեն պետք է որ դրվեր նրա ծառայական պիտանելիության հարցը: Առկա ոչ պրոֆեսիոնալիզմի մասին է խոսում նաեւ այն, որ պաշտպանության նախարարությունը հաղորդագրություն է տարածում այն մասին, որ Խաչատուրովի տեղակալ Վալերի Գրիգորյանը մեկնել է Ղարաբաղ: Մինչդեռ սովորաբար նման այցելությունները չեն հրապարակվում, եւ դրանց հրապարակումը եւս վկայում է զինված ուժերի բարձրագույն հրամկազմում թագավորող ոչ պրոֆեսիոնալիզմի մասին: Եվ այս ամենի ֆոնին պարզապես զավեշտալի են հնչում պաշտպանության նախարար Սեյրան Օհանյանի երեկ արած հայտարարությունները մամուլում բանակի թեմայի լուսաբանման մասին: «Ինձ մոտ տպավորություն է, որ լրատվամիջոցներում արշավ է սկսվել պաշտպանության նախարարության դեմ», ասել է Սեյրան Օհանյանը: Երեւի թե լավ կլինի, որ Սեյրան Օհանյանն ասեր` ի՞նչ տպավորություն է իր մոտ այն մասին, թե ո՞վ է արշավ սկսել Հայաստանի բանակի զինծառայողների դեմ, որոնք զոհվում են աղետալի հաճախակիությամբ: Իրական տպավորությունն այն է, դատելով ոչ միայն Սեյրան Օհանյանի այդ արձագանքից, այլ նաեւ բանակի գերագույն գլխավոր հրամանատար Սերժ Սարգսյանի լռությունից եւ ընդամենը կադրային երկու նշանակումներից, որ Հայաստանի իշխանության համար հայ զինվորի կյանքը պարզապես գին չունի, գոնե այնքան գին, որքան իշխանությանը հավատարիմ երդում տված, բայց բանակը ուղղակի ոչ պրոֆեսիոնալիզմի ցանցը նետած գեներալները ունեն նույն այդ իշխանության համար, որ իշխանությունը չի փորձում դիպչել այդ գեներալների պաշտոններին:

Այլապես մնում է հայտարարեն, որ բանակում տեղի ունեցած սպանությունների համար մեղավորը այդ ամենը պարտակելուն խանգարող մամուլն է: Ու Սեյրան Օհանյանը կարծես թե հենց այդ մասին էլ ակնարկում է` ասելով, թե «ինչքան շատ են ջանում, որ լավ լինի, այնքան վատ է ստացվում, եւ կարծես թե գործում է ստորության օրենքը»: Հարգելի պարոնայք, դրա համար էլ անհրաժեշտ է, որ դուք լինելով պետական պաշտոնյաներ` ոչ թե փորձեք պատասխանատվությունը բարդել մամուլի վրա, այլ կատարեք ձեր աշխատանքը բանակում, եւ երկրում ընդհանրապես ապահովեք պետական օրենքի գերիշխանությունը, որովհետեւ իրական ստորությունն այն է, երբ երկրում պետական օրենքի եւ Սահմանադրության փոխարեն, գործում են չգրված օրենքներ եւ կանոններ:

Արա էս բոզի տղերքը լրիվ գժվել են?
Օհանյան Սեյրանի տուն (Ղարաբաղ) գնալու ժամանակը եկել է արդեն!!!!

brat_eu · 07 Oct 10, 19:53

Quote:

Originally Posted by ХичКОК

Արա էս բոզի տղերքը լրիվ գժվել են?
Օհանյան Սեյրանի տուն (Ղարաբաղ) գնալու ժամանակը եկել է արդեն!!!!

Սրտիտ էդքան մոտ մի ընդունիր, քյալը մնում է քյալ.Քանի դեռ էն քոլերից էկածներն են մեր երկրի տերն ու տիրականը...

ХичКОК · 07 Oct 10, 19:55

Quote:

Սրտիտ էդքան մոտ մի ընդունիր

Ջահել էրեխեք են անտեղի մեռնում:Ոնց կարելի է սրտին մոտ չընդունել??

brat_eu · 07 Oct 10, 19:57

Quote:

Originally Posted by ХичКОК

Ջահել էրեխեք են անտեղի մեռնում:Ոնց կարելի է սրտին մոտ չընդունել??

Մեր ժամանակներին ավելի շատ էին մեռնում, բա դրան ինչ կասես՞…

ХичКОК · 07 Oct 10, 20:01

Ձեր ժամանակները չգիտեմ որ ժամանակներն էին:
Իմ ժամանակ կանոնավոր բանակ չկար,ու էլի էսքան անիմաստ ու անտեղի մահացածներ չէին լինում:

brat_eu · 07 Oct 10, 20:15

Quote:

Originally Posted by ХичКОК

Ձեր ժամանակները չգիտեմ որ ժամանակներն էին:
Իմ ժամանակ կանոնավոր բանակ չկար,ու էլի էսքան անիմաստ ու անտեղի մահացածներ չէին լինում:

Երևում է փոքր ես, եղել է ...Համ էլ թող զբաղվի այս հավը´´նայիր ներքևի գրանցումը...

ԱՐՄԵՆ ՀՐԱՆՏԻ ՀԱՐՈՒԹՅՈՒՆՅԱՆ
ՀՀ ՊՆ քննչական վարչության պետ, գեներալ-մայոր:
Ծնվել է 1963թ. փետրվարի 25-ին` Հայկական ՍՍՀ, ք.Երևանում:

1987-1988թթ. ծառայել է ԽՍՀՄ զինված ուժերում:

1986թ. ավարտել է Երևանի պետական համալսարանի իրավագիտության ֆակուլտետը:

1997-2007թթ. ծառայել է ՀՀ դատախազության համակարգում:

ՀՀ զինված ուժերում է 2007թ.-ից:

ՀՀ Նախագահի հրամանագրով 2007թ. նշանակվել է ՀՀ ՊՆ քննչական վարչության պետ:v

2007թ.-ին ՀՀ Նախագահի հրամանագրով շնորհվել է «գեներալ-մայոր» զինվորական կոչում:

ХичКОК · 08 Oct 10, 19:56

Quote:

Հոկտեմբերի մեկին Սամվելը զանգել է տուն, խնդրել, որ իրեն «տուլիկ» ուղարկեն։ «Տաք շոր ուղարկեք, աշեյնիկ ուղարկեք, չգիտեմ՝ Դուք գիտե՞ք, թե ինչ ա աշեյնիկը, գցում են մեջքին՝ ոջիլի դեմ, բայց ասեց՝ փչովի դեղ էլ ուղարկեք, որովհետև ոջիլն արդեն մեզ ուտում ա... Մենք վեշը ուղարկեցինք, բայց իմ բալան էլ չկար, էդ գայլերի ոհմակն արդեն նրան հոշոտել էր, հոշոտել։ Էդ օրը հոգիս լացում էր, լացեցի-լացեցի, գնացի խանութ՝ գործի։ Հետո զանգեցին-ասեցին՝ տուն արի։ Ես գնում եմ տուն, մարդիկ նայում են...»,-մղկտալով պատմում էր որդեկորույս մայրը։
Այդ օրը Սամվելը խոսում է նաև իր երիտասարդ բարեկամներից մեկի հետ։ Ապա հեռախոսը վերցնում է զինավանի զինվորներից մեկը և Սամվելի բարեկամին ասում, որ իրենց մոտ մի լեյտենանտ կա, ու ինքը «լավ տղա» ա, իրանց «ախպերն» ա, ինքը «ոնց ասում ա, սաղ տենց ա», ինքը «ճշտով ա» շարժվում, սխալ բան չի անի, ու Սամոյի «մոմենտով» մի քիչ խնդիրներ կա։ Հետո երիտասարդը զրուցում է Սամվելի հետ, և Սամվելը պատմում է, որ դասի ժամանակ քնել է, ու սպան խփել է իրեն։
Այնուհետև սպանության օրը, 11– 12-ն ընկած ժամանակահատվածում նորից զինավանից զանգում են Սամվելի բարեկամին և ասում, որ նրա «ախպերը լիքը պրոբլեմներ ունի»։ Բարեկամը հետաքրքրվում է, թե ինչ է եղել։ Գյումրեցի լեյտենանտը հեռախոսը փոխանցում է Սամվելին, որ վերջինս պատմի։ Սամվելը պատմում է, որ լվացարանում մի քանի հոգի, ճամբարային հավաքին մասնակցող ՀՕՊ-ի գրեթե ողջ անձնակազմը հարձակվել է իր վրա ու ծեծել։
Սամվել Խաչատրյանի դիակի զննության ժամանակ հայտնաբերվել են 15-ից ավելի տարբեր աստիճանների վերքեր, վնասվածքներ՝ ոտքերի, ձեռքերի, մեջքի, գլխի վրա։ Գլխին հասցված հարվածներն առաջացրել են արյան զեղում։ Պարանոցի վրա նկատվել են երկու կապտագույն գծեր, որ խեղդող գործիքների թողած հետքերն են եղել։ Հետքերից մեկը բարակ, մյուսը հաստ է եղել, որը գործնականում հաստատում է սպանության վարկածը։ Ամենայն հավանականությամբ՝ բարեկամի հետ տեղի ունեցած հեռախոսազանգից հետո սպան շարունակել է «հաշիվներ մաքրել» Սամվել Խաչատրյանի հետ։ Իրեն «լավ տղաներով» շրջապատած «լավ տղա» խաղացող սպան Սամվել Խաչատրյանին տարել է նկուղ և իր «ախպերների» հետ շարունակել անասնական վայրագությամբ ծեծել Սամվելին։ Ապա, երբ տղայի վիճակը խիստ վատացել է, նրան բարակ պարանով խեղդել են ու մեկ ուրիշ պարանով կամ զինվորական գոտիով կախել, փորձելով իրենց հանցանքն ինքնասպանության տեղ անցկացնել։ Եթե ուսադիրներով անասունը զինվորին լվացարանում ծեծի ենթարկելուց հետո նրան բուժօգնություն ցույց տար, գուցե այս ողբերգական մահը չլիներ, բայց մարդկային արժանիքներից զուրկ այդ տականքը նախընտրել է իր հանցագործությունը պարտակել սպանությամբ։ Քիչ հավանական է սպանության երկրորդ վարկածը՝ լվացարանի ծեծի ժամանակ ստացած հարվածներից մահացած Սամվելի դին կախել են, ընդ որում՝ մի անգամ բարակ պարանով, մի անգամ՝ հաստ, որ սպանությունը որպես ինքնասպանություն ներկայացնեն։
Որդեկորույս ծնողների վիշտը ոչինչ չի սփոփի, բայց նրանք պահանջում են, որ չարատավորեն իրենց որդու անունն ու սպանությանը ինքնասպանություն չվերագրեն։ Հարազատների ու Սամվելին ճանաչողների պնդմամբ՝ նա և հոգեպես, և ֆիզիկապես պինդ տղա է եղել և երբեք ինքն իր վրա ձեռք չէր բարձրացնի, ավելի շուտ՝ զինավանից կփախչեր։ Կենսուրախ, առանձնահատուկ հումորով, խելացի, աշխատասեր՝ այսպես են բնութագրում Սամվել Խաչատրյանին նրան ճանաչողները։
«Թող իրենք հարյուր տարի ապրեն, ես չեմ ուզում, որ ինչ-որ մեկի մատը փուշ մտնի, թող ազատեն դրանց, մենակ թե իմ որդու անվան հետ թող չխաղան, թող խոստովանեն, որ իրանք են արել»,-ասում է Սամվելի հայրը, որ նույնիսկ այս մեծ վշտի մեջ չի կորցրել իր մարդկային որակները։

....................

Today's Posts
Last two days	Last 3 days
Last week	Today's Posts LIFE

07 Oct 10, 20:01	#201 (permalink)
ХичКОК Ultra VIP VIP Ultra Club Join Date: Apr 2009 Location: 亞美尼亞 Posts: 3,254 Rep Power: 19	Re: Вооружённые силы Армении Ձեր ժամանակները չգիտեմ որ ժամանակներն էին: Իմ ժամանակ կանոնավոր բանակ չկար,ու էլի էսքան անիմաստ ու անտեղի մահացածներ չէին լինում:
	__________________ Плохая примета – сесть на тюбик вазелина.

VIP Forums Muzblog Chat Games Gallery. Форум, муздневники, чат, игры, галлерея.

Вооружённые силы Армении Հայաստանի զինված ուժեր Armenian Army