Եկեք այստեղ խոսենք շարականների մասին։

Վիքիփեդիայում քիչ բան կա գրված շարականների մասին, գրվածն էլ փոքր–ինչ հակասական է։
http://hy.wikipedia.org/wiki/%D5%87%...AF%D5%A1%D5%B6
Օրինակ՝ ըստ Վիքիփեդիայի՝ շարականը միջնադարյան հոգևոր երգ է, օրհներգություն։ Սակայն այնուհետև ասվում է, որ շարականներ են գրել Մեսրոպ Մաշտոցը, Սահակ Պարթևը և Մովսես Խորենացին, իսկ նրանք, ինչպես հայտնի է, միջնադարում չեն ապրել։

Ուրեմն եկեք պարզաբանենք (մեծ հույսեր կապելով հատկապես Հայ Առաքելական Եկեղեցու հոգևորականների հետ ։) ).

1. Ի՞նչ է շարականը։
2. Ո՞րն է «շարական» բառի ստուգաբանությունը։
3. Ո՞ր ժամանակներից են շարականները երգվում Հայաստանյայց Եկեղեցում։
4. Արդյո՞ք շարականները հատուկ են միայն Հայաստանյայց Եկեղեցուն։
5. Կա՞ն արդյոք թարգմանված շարականներ։
6. Ո՞րն է մեզ հասած ամենահին շարականը։

7. Ո՞րտեղ է կարելի գտնել շարականների բառերը (շատ արդիական հարց է. համացանցում չգտա ոչ մի շարականի խոսքեր հայերեն, միայն մի տեղ կար ռուսերեն թարգմանություն)։

Իմիջիայլոց, այտեղ կարող եք ձրի բեռնել և լսել շարականներ անգլիական «Հիլիարդ» քառյակի կատարմամբ (ինչպես փաստում է կայքէջը, ձայնագրությունները կատարված են Սաղմոսավանքում).
http://www.vem.am/?go=projects/recording/hiliard_rec

Եվս մեկ անվճար հղում.
http://www.annamayilyan.com/audio/5.mp3

Ինձ շատ դուր եկավ, բայց, ցավոք, բառերի մեծ մասը չեմ հասկանում

8. Համացանցում որտե՞ղ կարելի է գտնել անվճար բեռնման ենթակա շարականներ

Հույս ունեմ, որ թեման հետաքրքիր կլինի շատերին։

Էհ...

Ոչ իմացող կա, ոչ հետաքրքրվող...
Ոչ էլ MONK-ը կա։

http://www.komitas.am/rus/list_works.htm

ворош шараканнер мшакел э мецн Комитасэ. Чгитем, те айсор ов э ергум Екехецум, сакайн 2000 твин лсел ем шараканнер Храчуи анунов рокер ахчканиц. Грачуин хатук еражштакан крдутйун уни, ев катарум ер эст канони - цавок, чгитем, те вортех э на айсор - кап корцрель эм

бемиц щараканнер э катарум Анна Маилян@ сакайн чгитем ардйок на ЛУсине Загаряни нман хаматехум э ашхархик елуйтнеры патараги хет те воч

Շատ շնորհակալ եմ հղման համար. Կոմիտասի ստեղծագործությունները Լուսինե Զաքարյանի կատարմամբ հիասքանչ մի բան է։

Բարեւ։ Նոր գտայ այս կայքը։ Ձեր հարցումներուն համար՝ այցելեցէք akn-chant.org կայքը։ Հայերէն յօդուածները դեռ անկատար են, բայց բաւական տեղեկութիւն կրնաք գտնել։ Յետոյ սիրով կը ջանամ պատասխանել ձեր հարցումներուն։

Բարև Ձեզ։ Ես կարդացի Ձեր կայքում զետեղված նյութերը և մի քանի հարց ունեմ։

(http://akn-chant.org/en/charakan)
Արդյո՞ք սա նշանակում է, որ «ծածկագրված լեզվի» (codified language) օգտագործումը դարձնում է շարականները միանման և այլևս հնարավոր չէ տարբերակել նրանց ոճը, իսկ ոճից էլ՝ ստեղծման ժամանակաշրջանը։ Այս նախադասության տրամաբանությունը չեմ կարողանում ըմբռնել։ Խնդրում եմ՝ բացատրեք։

Ձեր կայքում իմ հարցերի մեծ մասի պատասխանները, ցավոք, չկան։ Օրինակ՝ ո՞րն է «շարական» բառի ստուգաբանությունը (etymology)։ Հավանաբար, «շարել» բառից է, բայց ի՞նչը շարել. պարզապես բառերի շարա՞ն է...

Հետո, շարականների թարգմանության մասին։ Երևի, շարականները միայն հայերեն են կատարվում (և, ընդհանրապես, հոգևոր երգեցողությունները Հայ Առաքելական Եկեղեցու, Ուղղափառ և Կաթոլիկ եկեղեցիների չեն թարգմանվում այլ լեզուների)։ Հարցնում եմ՝ համեմատելու համար. օրինակ՝ բողոքական եկեղեցիներում միևնույն երգը կարող է թարգմանվել և երգվել տարբեր լեզուներով։ Դուք որևէ տեղեկություն ունե՞ք այս մասին։

Շնորհակալություն՝ հարցերին պատասխանելու Ձեր պատրաստակամության համար։

Հրաշալի թեմա եք բացել, հարգելի revelation:
Կներեք, որ զբաղվածությանս և առողջական խնդիրների պատճառով ուշ եմ արձագանքում, և հիմա էլ ի վիճակի չեմ երկար ծավալվելու:

Քանի որ կարծես գտել եք Ձեր հարցերի մի մասի պատասխանը (չնայած չգիտեմ ինչքանով են դրանք սպառիչ), և այս երկուսն են մնացել, կանդրադառնամ սրանց.
1. Ստուգաբանությունը` շար-ական, այսինքն` թանկագին քարերի շարք: Հոգևոր աղոթական երգը խորհրդանշորեն նույնացված է թանկագին քարերի` ակների հետ: Մշակութային եզրաբանության մեջ նմանատիպ կիրառություն ունի նաև «գոհար» բառը:
2. Հայաստանյայց Եկեղեցում շարականները կատարվում են ոսկեդարյան գրաբարով:
Հասկանում եմ, որ պատասխաններս շատ լակոնիկ են, իսկ թեման էլ շատ ընդգրկուն է:Հետագայում այլ հարցերի դեպքում կփորձենք հնարավորինս ծավալուն անդրադառնալ:

Բարև Ձեզ, MONK։ Ուրախ եմ Ձեզ տեսնելու այս թեմայում։

Խնդիր չկա։ Կարևորը, որ թեման Ձեզ հետաքրքրել է և արձագանքել եք։

Շնորհակալություն բացատրությունների համար։
Խնդրում եմ, նաև, եթե տեղեկություն ունեք որևէ կայքի մասին, որտեղ կարելի է գտնել շարականների տեքստերը, տեղադրեք այս բաժնում հղում այդ կայքի վրա։ Ընդհանրապես, «Շարակնոցը» վաճառվու՞մ է գրախանութներում։

Չնայած լակոնիկությանը դրանք ըստ էության են, այնպես որ մի մտահոգվեք։

Ձեզ առողջություն եմ ցանկանում, և սպասում Ձեր՝ ավելի մանրամասն պատասխաններին (իհարկե, երբ ազատ ժամանակ ունենաք)։

Ցավոք սրտի այս պահին չեմ կարող որևէ կայքի հղում անել: Հենց հանդիպեց, անպայման կտեղադրեմ: Իսկ Շարակնոցը Մայր Աթոռի գրատանը վաճառքում տեսել եմ. կարծում եմ դեռ սպառված չի լինի:
Կներեք, բայց այստեղ մի փոքր ճշտում մտցնենք.
Նրանք ապրած ժամանակաշրջանը վաղ միջնադարն է: