Նախ` շնորհակալություն համեստ անձիս տրված գնահատականի համար:
Իսկ հիմա անդրադառնանք Եկեղեցու քարոզչությանը.
Այստեղ մի փոքր մռայլ եք պատկերացնում իրականությունը: Եթե մի կողմ դնենք զուտ եկեղեցիներում իրականացվող քարոզչությունը, դրանից դուրս նույնպես Հայ Եկեղեցին հսկայածավալ աշխատանք է տանում: Նախ` այսօր Հայաստանի ու Արցախի դպրոցներում դասավնդվում է Հայ Եկեղեցու պատմություն առարկան, որով մատաղ սերունդը տեղեկացվում ինչպես իր ազգային-եկեղեցական պատմության վերաբերյալ, այնպես էլ ծանոթույուն է տրվում Եկեղեցու դավանական, ծիսական ու տոնական համակարգի մասին, ինչպես նաև այլ Եկեղեցիների և պատմական ու ժամանակակից աղանդների վերաբերյալ: Որոշ ԲՈՒՀ-երում նույպես դասավնդվում են կրոնական առարկաներ: Տարբեր հոգևորականներ ելույթ են ունենում հեռուստատեսությամբ ու ռադիոյով, թղթակցում են մամուլին: Ինչպես տեսնում եք, հայ հոգևորականների կարելի է հանդիպել նույնիսկ ինտերնետում: Հայ հոգևորականներից հատուկ նշանակությամբ պարբերաբար այցելում են մանկատներ, ծերանոցներ, անգամ բանտեր: Վերջնականապես կայացած է Պաշտպանության բանակում հոգևորականների հատուկ ծառայության ինստիտուտը: Գրեթե բոլոր թեմերում գործում են կիրակնօրյա դպրոցներ, եկեղեցասեր երիտասարդաց ու տիկնանց միություններ: Տարբեր հասարակական կազմակերպությունների հետ համատեղ իրականացվում են տարբեր ծրագրեր: Աստիճանաբար կրճատվում են այն քաղաքների ու գյուղերի թվերը, որտեղ չկային եկեղեցիներ: Հետեզհետե մեծացվում են նոր ձեռնադրվող հոգևարականների թվերը:Եվ դեռ շատ կարելի է շարունակել այս շարքը: Ուրիշ էլ ինչ եք ուզում, որ անենք? Մենք չենք կարող ծավալել հոգևորսություն, մենք չենք կարող կաշառել մարդկանց, խաբել, մոլորեցնել, հոգեբանական ու սոցիալական կախման մեջ գցել, գերել, դարձնել մեր ստրուկները, մենք չենք կարող զոռով մտնել մարդկանց ընտանիքներից ու անձնական կյանքից ներս, պարտադրել ու ստիպել, տարբեր անվայել լծակներով հասնել մեր նպատակին: Սա չի պատվիրել մեզ մեր Տերը: Մենք սպասավորում ենք այնպես, ինչպես պատվիրել է Տերը և ավանդել են մեր հայրերը: Իսկ նա, ով ականջ ունի լսելու, լսում է:

__________________

Եկեղեցին Հայկական ծննդավայրն է հոգուս... (Վ. Թեքեյան)