|
Re: Elections of president in Armenia 2008 Նախագահական ընտրությունները Հայաստանում Президентские выборы в Армении
ԴԱՇՆԱԿՑԱԿԱՆՆԵՐԸ ՄԻԱՆՈՒՄ ԵՆ ՏԵՐ-ՊԵՏՐՈՍՅԱՆԻՆ
4 դաշնակցականներ Աշտարակի կառույցից Մանվել Ավետիսյանը եւ Գարուշ Արասխանյանը, Արագածոտնի մարզի Սասունիկ գյուղից Կորյուն Մալխասյանը եւ Արմավիրի մարզի Փշատավան գյուղի բնակիչ Եղիշե Նալբանդյանն այսօր հայտարարել են, "Անսալով ապօրինաբար բանտարկված մեր գաղափարակից ընկերներ Ժիրայր Սէֆիլյանի եւ Վարդան Մալխասյանի կոչին, մենք նույնպես միանում ենք այդ շարժմանն ու պայքարին",-ասվում է տարածված հաղորդագրության մեջ: "Հանդիսանալով ՀՅԴ անդամ, շատ լավ գիտակցում ենք, որ դրանով մենք խախտում ենք ՀՅԴ կանոնադրությունը, բայց նաեւ գիտակցում ենք, որ միայն բոլորիս ջանքերով ու նվիրումով է հնարավոր վերականգնել երկրի սահմանադրական կարգը, հայ մարդու հավատը, հույսը եւ սերը հայոց պետականության հանդեպ: Իսկ նրանք, ովքեր կաշկանդվելով իրենց կուսակցական պատկանելությունից, չեն աջակցելու Լեւոն Տեր-Պետրոսյանին ու ձայնը տալու են ուրիշ թեկնածուի, պետք է հասկանան, որ այդ քայլով նպաստելու են հանցավոր եւ հակահայ ռեժիմի վերարտադրությանը": Վերոնշյալ դաշնակցականները նաեւ կոչ են արել. "Ուստի մենք կոչ ենք անում` առայժմ մի կողմ թողնել բոլոր կարգի գաղափարական տարաձայնությունները եւ փետրվարի 19-ին քվեարկել ՀՀ առաջին նախագահ Լեւոն Տեր-Պետրոսյանի օգտին":
Ծանօթ: ՀՅԴ Հայաստանի Գերագույն Մարմինը տարածեց մի հայտարարություն թէ իբր հիշյալ ազատամարտիկները հերքում են տարածված լուրը: Սակայն հիշյալ ազատամարտիկները “Հայկական Ժամանակ”ի հետ հերախոսազռույցում վերահաստատեցին որ միանում են Լեւոն Տեր-Պետրոսյանին: ԻՆչ վերաբերում է »ՀՅԴ Հայաստանի Գերագույն Մարմինի տարածած »»հայտարարության, Մանվել Ավետիսյանը խորհուրդ տվեց իրենց անունից հայտարարություն անողներին “չխաղալ իրենց անունների հետ”:
|
