|
Re: Кока-кола из червячков и гусениц
Եվ կրկին որդան կարմիրի մասին...
«Կոկա–կոլա» ըմպելիքի ներկայնույթի «հայկական ծագման» մասին լուրը մեծ հետաքրքրություն է առաջացրել։ Ինչպես մենք երեկ հայտնել էինք , «Իզվեստիա» ռուսական թերթի հրապարակման մեջ տեղեկություններ էին հաղորդվել, որ հայտնի զովացուցիչ ըմպելիքի ներկանյութը պատրաստվում է որդան կարմիր միջատից, որը բնակվում է Հայաստանում, Մեքսիկայում, Լեհաստանում և Ադրբեջանում։
Իր այսօրվա համարում «Կապիտալ» օրաթերթն անդրադարձել է տվյալ թեմային և փորձել է պարզել բնապահպանության նախարարությունից, թե Հայաստանում իսկապե՞ս կատարվում է որդան կարմիրի որս, թե՞ ոչ, սակայն հստակ պատասխան ստանալ չի կարողացել:
Նախարարության Կենսառեսուրսների կառավարման գործակալությունում նշել են, որ միջատը դեռևս օրենքով պաշտպանված չէ, քանի որ նախարարությունը չունի պահպանվող ոչ ողնաշարավորների ցանկ, իսկ ՀՀ «Կարմիր գրքում» ընդգրկված են միայն ողնաշավորները, և նախարարությունը ներկայումս պատրաստում է ոչ ողնաշարավորների ցանկը։ Ինչ վերաբերում է հատուկ պահպանության տարածքներում որդի որսին, ապա դրա համար նախարարությունից անհրաժեշտ է ստանալ համապատասխան թույլտվություն։ Գործակալությունում նշել են, որ առ այսօր նման թույլտվություն ստանալու հայտով ոչ ոք իրենց չի դիմել։
Tert.am
|
