05 Jun 10, 19:55
|
#1 (permalink)
|
Join Date: Dec 2006
Age: 51
Rep Power: 26 
|
Iran no more accepting Armenian high education Diplomas Иран болыше не принимает дипломы Армянских ВУЗов Իրանը այևս չի ընդունում հայաստանյան ԲՈՒՀերի դիպլոմները
Quote:
Հայաստանում տրվող կրթության որակը Իրանին չի գոհացնում
Տաթեւիկ Լազարյան
Իրանում հայկական դիպլոմների ճանաչման հետ կապված խնդիրները վերջնականապես հարթելու համար մեկ ամսվա ընթացքում Հայաստան կայցելի Իրանի կրթության եւ գիտության նախարարության պատվիրակությունը:
Պատվիրակությունը հանդիպումներ կունենա հայաստանի երեք պետական բուհերի` Երեւանի պետական, բժշկական եւ ճարտարագիտական համալսարանների ներկայացուցիչների հետ:
Հայաստանի կրթության եւ գիտության նախարար Արմեն Աշոտյանի փոխանցմամբ` խոսքը միայն պետական բուհերի մասին է, մասնավոր որոշ բուհերի դիպլոմները այնտեղ «սեւ ցուցակում» են` դրանց մասին անգամ լսել չեն ուզում:
Իրանի Իսլամական Հանրապետությունը նախ 2008 թվականին որոշում կայացրեց չճանաչել Երեւանի պետական բժշկական համալսարանի, ապա 2009 թվականին` նաեւ Երեւանի պետհամալսարանի եւ Երեւանի պետական ճարտարագիտական համալսարանի դիպլոմները:
Արմեն Աշոտյանի խոսքով` իրանցիներին Հայաստանում տրված կրթության որակը չի գոհացնում: «Հիմնավորումները` իրենց ուսանողների ցածր կրթական ցենզն էր` առաջադիմությունը ակադեմիական եւ կարգապահական խնդիրներ», - «Ազատություն» ռադիոկայանին ասաց Հայաստանի կրթության եւ գիտության նախարարը:
Իրանի կողմից հայաստանյան երեք պետական բուհերի դիպլոմների չճանաչումը հանգեցրել է հիշյալ բուհերում օտարերկրյա ուսանողների թվի կտրուկ անկման, քանի որ օտարերկրյա ուսանողների մեկ երրորդը հենց Իրանից էր Հայաստան ժամանում:
Հայաստանի ազգային վիճակագրական ծառայությունը դեռ չի տրամադրում 2009 - 2010 թվականների տվյալները, սակայն փաստում է, որ 2007 - 2008 թվականներին հայաստանյան բուհերում 3 հազար 500 արտասահմանցի ուսանող էր սովորում, իսկ արդեն 2008 - 2009 թվականներին նրանց թիվը նվազել է 500-ով: Այս տարի էլ օտարերկրացի ուսանողների թիվը կրճատվել է, փաստում են բուհերը:
Երեւանի պետական ճարտարագիտական համալսարանի ռեկտոր Ոստանիկ Մարուխյանի վկայությամբ` 2009 - 2010 ուսումնական տարում Իրանից դիմորդ բուհը ընդհանրապես չի ունեցել, ինչը հանգեցրել է նաեւ ֆինանսական խնդիրների:
«Լուրջ ֆինանսական խնդիրներ ունեինք մենք օտարերկրյա քաղաքացիների ուսուցման բաժանմունքի գծով: Ըստ էության, մենք նախապատրաստական բաժանմունք չունեցանք անցյալ տարի», - «Ազատություն» ռադիոկայանի հետ զրույցում ասաց Մարուխյանը:
Իրանի Իսլամական Հանրապետության կողմից նման որոշում ընդունելը, ռեկտորի խոսքով, անակնկալ էր իրենց համար: Իրանական կողմը 2009 թվականի իր որոշման մասին ո'չ պաշտոնապես տեղյակ է պահել բուհին, ո'չ էլ հիմնավորել է: Ոստանիկ Մարուխյանը չի բացառում, որ կարգապահության հետ կապված խնդիրներ կան, իրենք էլ ամենաարդիական տեխնոլոգիաները չեն կիրառում կրթության մեջ, սակայն իրենց տված կրթությունը որակյալ է համարում եւ կարծում է` ընդունված որոշումը հանիրավի է եղել:
Ճարտարագիտական համալսարանում Իրանի հետ այս խնդիրների առաջացումը կապում են մի քանի գործոնի հետ: Նախ, ռեկտորի խոսքով, մասնավոր բուհերի տված դիպլոմներն են նաեւ պետական համալսարանի վարկանիշը գցել: Բացի այդ, համալսարանում պատահական չեն համարում, որ խնդիրները ծագել են հենց 2008 - 2009 թվականներին, երբ Հայաստանում Իրանի դեսպանատանը կրթության եւ մշակույթի հարցերով նոր կցորդն է աշխատանքի անցել:
«Դեսպանատան կրթական պատասխանատուի փոփոխության հետ մենք խնդիրներ ունեցանք: Զարմանալիորեն, միտում էր նկատվում` ուսանողների համար ստեղծել որոշակի արգելապատնեշներ», - ասաց Ոստանիկ Մարուխյանը:
Պաշտոնապես Իրանի Իսլամական Հանրապետությունն իր բացատրությունները չի ներկայացրել նաեւ Երեւանի պետական բժշկական համալսարանին, չի տեղեկացրել նաեւ դիպլոմները չճանաչելու մասին, «Ազատություն» ռադիոկայանին փոխանցեց այս բուհի միջազգային կապերի գծով պրոռեկտոր Երվանդ Սահակյանը:
Նրա կարծիքով էլ` քննադատությունը հանիրավի է, Երեւանի պետական բժշկական համալսարանի վարկանիշը բարձր է աշխարհում. - «Մեր շրջանավարտները բավականին բարձր արդյունքներ են ցուցաբերում քննությունների ընթացքում: Երբ մեկնում են իրենց երկրները եւ քննություններ են տալիս, առաջադիմությունը շատ բարձր է»:
--------------------------------------------------------------------------------
«Ազատ Եվրոպա/Ազատություն» ռադիոկայան © 2010
|
Начиная с 2008ого года Иран отказываеться принимать дипломы полученные при учёбе в Армении. За последние два года количество Иранских студентов в Армянских вузах сократилос в двое.
http://www.armenialiberty.org/articl...w/2062983.html |
| |
|
|
|
|
