Join Date: Oct 2007
Location: germany
Rep Power: 28 
|
Re: Ընդիմադիր լրատվամիջոցները թե կառավարական, ով ինչքան է ստում Оппозиционные и правительственные СМИ, кто больше врёт
Եվ այսքանով ավարտեմ իմ եզրահանգումը մեր հերոսների մասին մինչև անմեղսունակ Սերժը...
++++++++++++++++++++++++++++++++++++++++++++++++++ +++++++++++++++++
Հակոբ Հակոբյան Հրանտ Գրիգորյան
Ազգային ժողովի չորրորդ գումարման վեցերորդ նստաշրջանը պատգամավորների համար շոկով սկսվեց։
Նիստը սկսվելուց հաշված րոպեներ առաջ Ազգային ժողով մտավ նախկին քաղբանտարկյալ, պատգամավոր Հակոբ Հակոբյանը։ Հիշեցնենք. 2008 թ. մարտի 4-ին Ազգային ժողովը բավարարեց ՀՀ գլխավոր դատախազ Աղվան Հովսեփյանի միջնորդությունը եւ իր համաձայնությունը տվեց ԱԺ 4 պատգամավորների` Հակոբ Հակոբյանի, Մյասնիկ Մալխասյանի, Սասուն Միքայելյանի եւ Խաչատուր Սուքիասյանի նկատմամբ որպես խափանման միջոց` կալանք ընտրելուն եւ պատգամավորներին կալանավորելուն։ Այդ օրը, մարտի 4-ին, երբ ԱԺ-ն ընդունում էր սույն որոշումը, պատգամավորները չէին կարողանում նայել Հակոբ Հակոբյանի աչքերի մեջ, իսկ նրան մեկուսարան տանելիս ԱԺ աշխատակազմի որոշ աշխատակիցներ պատերի տակ լացում էին։ Երեկ Հակոբ Հակոբյանը ԱԺ միջանցքում հայտնվեց պատգամավոր Հրանտ Գրիգորյանի ուղեկցությամբ։ Երբ նա հասավ խորհրդարանի կարմիր նախասրահի աստիճանների մոտ, լրագրողները մի պահ անակնկալի եկան։ Այնտեղ էին նաեւ ԱԺ պատգամավոր Սամվել Ալեքսանյանը (Լֆիկ Սամոն), Գրիգորի Մարգարյանը (Բելաջիոյի Գրիշ), Մանվել Ղազարյանը (Վեդու Մանվել)։ Սամվել Ալեքսանյանը, տեսնելով Հակոբ Հակոբյանին, տեղից վեր թռավ։ «Վայ, քավորս, քավոր ջան»,- ասելով նա մոտեցավ Հակոբ Հակոբյանին եւ գրկեց նրան։ «Ո՞նց ես, քավոր ջան։ Մի հատ քավորիս հետ նկարեք»,- ասում էր Սամվել Ալեքսանյանը։ Հակոբյանի հետ ողջագուրվեցին նաեւ Մանվել Ղազարյանն ու Գրիգորի Մարգարյանը։ Այդ ընթացքում սրահում հայտնվեց նաեւ Առաքել Մովսիսյանը (Շմայսը)։ Նա մի պահ անակնկալի եկավ, բայց մի ակնթարթում հավաքեց իրեն եւ մոտեցավ Հակոբ Հակոբյանին, ողջագուրվեց ու սկսեց հարցուփորձ անել` ոնց ես, ոնց չես։ Հակոբ Հակոբյանը հարցրեց, թե երբ է Շմայսը վերադարձել ԱՄՆ-ից։ «Չէ, ընդեղ երկար չմնացի` 2 ամիս։ Էրեխեն ծնվեց, հետ եկա»,- ասաց Շմայսը ու անմիջապես հավելեց. «Բայց ընդեղ Հակոբի պատիվը ավելի բարձր էր, սաղ ցավում էին իրա համար, հարցնում էին»։ Հիշեցնենք, որ Մարտի 1-ից հետո, ըստ որոշ տեղեկությունների, Շմայսը փորձում էր «ոտի տեղ անել» ԱՄՆ-ում, քանի որ նրա անունը սերտորեն կապվում էր Մարտի 1-ին Երեւանի կենտրոնում ժողովրդի դեմ կազմակերպված ոճրագործության հետ։ Ինչեւէ, այս կարճատեւ զրույցից հետո Հակոբ Հակոբյանը գնաց դահլիճ։ Մինչ դահլիճ մտնելը, սակայն, նա լրագրողներին ասաց, որ պատգամավորների 60 տոկոսի մասով իր ասածը մնում է ուժի մեջ։ Հիշեցնենք, որ «Յոթի գործով» դատական նիստերից մեկի ժամանակ Հակոբ Հակոբյանը հայտարարել էր. «Մենք պատգամավոր ենք եւ մնալու ենք պատգամավոր, քանի որ ժողովուրդն է մեզ ընտրել։ Այդ մի քանի` 50-60, կոպիտ ասած` պուտանկա պատգամավորները, որոնք տվեցին իրենց համաձայնությունը, որպեսզի մեզ կալանավորեն...»։ Երբ դատավորը փորձել էր միջամտել, Հակոբ Հակոբյանը ավելացրել էր. «Ես չեմ վիրավորում, այդ պատգամավորներն իրենք են ԱԺ պատգամավորի մանդատը վիրավորում։ Թող գան, տեսնեն` ինչի համար են մեզ դատում»։ Երեկ, երբ նա հաստատեց, որ իր ասածը մնում է ուժի մեջ, նաեւ հավելեց. «Էդ իրանք էլ գիտեն»։ Երբ Հակոբ Հակոբյանը դահլիճ մտավ, այնտեղ եւս պատգամավորներն իրար խառնվեցին։ Նրանք բոլորը մոտենում էին Հակոբ Հակոբյանին, ողջագուրվում, հետաքրքրվում նրա որպիսությամբ` սկսած Գագիկ Ծառուկյանից, վերջացրած Տիգրան Թորոսյանով, ով 4 պատգամավորների կալանքի համաձայնությունը տալու ժամանակ ԱԺ նախագահն էր եւ հենց նա էր վարում նիստը։ Հակոբ Հակոբյանը մասնակցեց նիստի առաջին մասին։ Նրա կողքին նստած էին, մի կողմից` Գրիգորի Մարգարյանը, մյուս կողմից` երիտասարդ հանրապետական Կարեն Ավագյանը եւ Սերժ Սարգսյանի եղբայր Սաշիկ Սարգսյանը։ Ընդմիջմանը, երբ Հակոբ Հակոբյանը դուրս եկավ ծխելու, նրան անմիջապես շրջապատեցին լրագրողները։ Ստորեւ ներկայացնում ենք Հակոբ Հակոբյանի զրույցը լրագրողների հետ։
- Ինչպե՞ս եք պատրաստվում համագործակցել ձեր այն գործընկերների հետ, ովքեր «կողմ» քվեարկեցին ձեզ կալանավորելուն։
- Ես անձամբ եմ խնդրել, որ քվեարկեն, որ ամեն ինչ ջրի երես դուրս գա։ Բոլորին էլ ես նորմալ եմ ընդունում, դրա մեջ առանձնապես բան չկա։
- Իսկ այդ լուրերը սո՞ւտ են, որ պետք է վայր դնեք մանդատը։
- Որ դնեի, հենա չէի գա, էլի։ Եթե իրենք հարմար կգտնեն, թող իրենք հանեն։
- Ձեր քաղաքական դիրքորոշումներն արտահայտելո՞ւ եք խորհրդարանում։
- Այո։ Ժամանակը ցույց կտա։
- Սեպտեմբերի 18-ի հանրահավաքին մասնակցելո՞ւ եք։
- Վաղը Գերմանիա եմ գնալու` բուժման։
- Բայց ընդհանրապես կմասնակցե՞ք հանրահավաքներին։
- Անպայման, ո՞նց չեմ մասնակցի։
- Դուք մնո՞ւմ եք Հայ ազգային կոնգրեսի համախոհը։
- Ես չգիտեմ Հայ ազգային կոնգրեսը, բայց ես Լեւոն Տեր-Պետրոսյանի համախոհը մնում եմ, անպայման։
- Իսկ խորհրդարանում շարունակելո՞ւ եք Մարտի 1-ի մասին խոսել, լոբբինգ անել։
- Մարտի 1-ը պետք չէ լոբբինգ անել։ Ամբողջ աշխարհը, ամբողջ հայ ժողովուրդը գիտի` ինչ է կատարվել։ Ո՞ւմ ասեմ։ Ստեղ եթե մեկը կասկածում է Մարտի 1-ի հետ կապված, թող ասի։ Բոլորն էլ գիտեն` Մարտի 1-ին ինչ է եղել, բոլորդ էլ երեւի ընդեղ եք եղել։
- Այսինքն, ձեր տեսակետները...
- Իմ տեսակետները առանձին չի կարելի, ամբողջ հայ ազգը գիտի` ինչ է կատարվել։
|
