Quote:
Սահմանվել են ավտոմեքենաների պարտադիր ապահովագրության վճարները 08.10.2010
Կենտրոնական բանկը այսօր հաստատել է ավտոմեքենաների պարտադիր ապահովագրության սակագները: Ըստ այդմ` վերջնական ապահովագրավճարը տատանվում է 19-106 հազար դրամի սահմաններում:
2011 թվականի հունվարի 1-ից ուժի մեջ է մտնելու անցած գարնանը Ազգային ժողովում հաստատված «Տրանսպորտային միջոցների պարտադիր ապահովագրման մասին» օրենքը, եւ 8 ապահովագրական ընկերություններ հոտեմբերի 18-ից կսկսեն պոլիսների վաճառքը:
Սահմանված վճարները հաշվարկվում են` ելնելով 4 ռիսկային գործոններից. տրանսպորտային միջոցի տեսակը, օգտագործման նպատակը, վարորդի տարիքն ու վարորդական ստաժը եւ ավտեմեքենային շարժիչի հզորությունը:
«Եթե ինչ-որ մեկը որպես տաքսի օգտագործում է, ասենք, «Համմեր» տիպի մեքենա, եւ այդ վարորդի տարիքը մինչեւ 23 է եւ ինքն էլ ունի 3 տարուց քիչ փորձ, միայն այդ դեպքում կունենանք 106 հազար սակագին», - լրագրողների հետ հանդիպմանը այսօր պարզաբանեց Կենտրոնական բանկի փոխնախագահ Վաչե Գաբրիելյանը` շարունակելով. - «Ամենատիպիկ դեպքը` դա սովետական կամ ռուսական արտադրության մեքենան, որը վարում է անձը, որը 23 տարեկանից ավելի է եւ ունի 3 տարուց ավելի վարորդական փորձ: Դրա գինը տարեկան` 32 հազար դրամ»:
Հաշվի չի առնվել, սակայն, ավտոմեքենայի շահագործման վայրը, ինչը նշանակում է, որ միատեսակ ավտոմեքենաների համար ապահովագրական վճարը նույնն է, ասենք, հեռավոր գյուղում եւ մայրաքաղաքում: Պարզ է, մինչդեռ, որ գյուղական վայրերում բնակչության եկամուտներն ավելի ցածր են, ու վթարի ռիսկն էլ` ավելի փոքր, քանի մայրաքաղաքում:
«Հայաստանի պայմաններում եթե նման դեպք կիրառվեր, ապա կպարզվեր, որ Երեւան քաղաքում գրանցված որեւէ մեքենա չկա», - այս դիտարկմանը հակադարձեց Գաբրիելյանը` հավելելով. - «Հավատացնում եմ ձեզ, որ բոլոր մեքենաները անմիջապես կգրանցվեին լեռնային շրջաններում»:
Պարտադիր վճարների կիրառումը ապահովագրական շուկայում կենթադրի լրացուցիչ 10-12 միլիարդ դրամի շրջանառություն:
Հունվարի 1-ից ապահովագրական պոլիսի բացակայության համար նախատեսվում է տուգանք` 50 հազար դրամի չափով:
Երեւանցի վարորդները «Ազատություն» ռադիոկայանի հետ զրույցներում հիմնականում դրական են վերաբերվում ավտոմեքենաների պարտադիր ապահովագրությանը, թեեւ հնչեցրեցին նաեւ որոշակի մտահոգություններ:
|
Հիմնական հետաքրքիր վիճակը սկսվելու է այն պահից, երբ վթարների ժամանակ թույլի վրա են բարդելու մեղքը, որ նրա ապահովվագրական պոլիսից վճարվի վերանորոգումը։
Օրինակով ասած, եթե օրինակում բերված 23 ամյա բթամիթը համմերով վթարվի սովետական մեքենային, այդ բթամիտի պապան բնական է մլիցեքի միջոցով ամբողջ մեղքը կբարդի սովետական մեքենայի վրա, որ իր համմերը այդ սովետականի ապահովվագրական գումարներով սարքեն, իսկ սովետականը ստիված ինքը իր վթարված մեքենաի վերանորոգման ծախսերը փակի։
Հարց է իհարկե ինչպես դա կհանդուրժեն ապահովվագրական ընկերությունները, կեղծ ոստիկանական արձանագրությունները, որոնք համմերի վարորդին հաստատ անմեղ կներկայացնեն....
