Մայր Աթոռ Ս. Էջմիածին
Տեղեկատվական Համակարգ
Հեռ.: (374 10) 517 128
Հեռատիպ: (374 10) 517 301
Էլ-փոստ: holysee@etchmiadzin.am
Տնօրեն` Տ. Վահրամ քհն. Մելիքյան


ՀԱՂՈՐԴԱԳՐՈՒԹՅՈՒՆ
Մայիսի 21, 2007թ.

Ամենայն Հայոց Կաթողիկոսը շնորհավորել է Մոսկվայի և Համայն Ռուսիո Պատրիարքին

Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսը շնորհավորական գիր է հղել Նորին Սրբություն Ալեքսի Բ Մոսկվայի և Համայն Ռուսիո Պատրիարքին Ռուս Ուղղափառ Եկեղեցու միության վերհաստատման և մայիսի 17-ին Մոսկվայի Ամենափրկիչ մայր տաճարում Մոսկվայի Պատրիարքության և Արտասահմանի Ռուս Եկեղեցու միջև միավորման հռչակագրի ստորագրման առիթով:
ՙԱյս իրադարձությունը կարևոր նշանակություն ունի ինչպես Ռուս Ուղղափառ Եկեղեցու, այնպես էլ Քրիստոսի ողջ Եկեղեցու համար: Եկեղեցական այս միությունը հիրավի արտահայտությունն է մեր եղբայրական ռուս ժողովրդի միասնականության, նրա կամքի և ձգտումների գիտակից համախմբման` ի բարօրություն Ռուս Ուղղափառ Եկեղեցու և Հայրենիքի՚,- ասված է Հայրապետական ուղերձում:
###

__________________

Եկեղեցին Հայկական ծննդավայրն է հոգուս... (Վ. Թեքեյան)