VIP Forums Muzblog Chat Games Gallery. Форум, муздневники, чат, игры, галлерея.

Speechless · 20 Jan 07, 04:01

ՄԵՆՔ ԻՐԱՐ ՃԱՆԱՉՈՒՄ ԷԻՆՔ

Մենք իրար ճանաչում էինք,
Իրար հետ կանաչում էինք,
Մեր բակի ծառիկը ու ես։

Մենք իրար ճանաչում էինք,
Իրար հետ կարկաչում էինք,
Մեր գետի ալիքը ու ես;

Մենք իրար ճանաչում էինք,
Իրար հետ հառաչում էինք,
Մեր դաշտի ծաղիկը ու ես։

Մենք իրար ճանաչում էինք,
Իրարից ամաչում էինք,
Մեր սարի եղնիկը ու ես։

Մենք իրար ճանաչում էինք
Իրար հետ շառաչում էինք,
Մեր ձորի մրրիկը ու ես...

Մի ուրիշ աշխարհ է աճում,
Գեթ մենք ենք իրար ճանաչում,
Մեր լքված տանիքը ու ես։

Մթնում է, ճրագը վառում
Եվ տխուր իրար ենք նայում՝
Իմ հոգնած տարիքը ու ես;

Speechless · 20 Jan 07, 04:02

ՈՒՐԻՇ ՁԿՆԵՐ ԵՆ ՋՐՈՒՄ

Ուրիշ ձկներ են ջրում,
Ուրիշ ջրով են ջրում
Սիրած մարգերս։
Ուրիշ հավքեր են թռչում,
Ուրիշ ցողեր են թրջում
Հոգնած ոտքերս։
Ուրիշ աչքեր են լալիս,
Ուրիշ ձեռքեր են գալիս
Սեղմում ձեռքերս։
Ուրիշ լավեր են քայլում,
Ուրիշ ցավեր են այրում
Ուրիշ վերքերս։
Ուրիշ մամուռ է քարին,
Ուրիշ ամպեր են սարին,
Ո՞ւր են ամպերս։
Ուրիշ մեղքեր եմ քաշում,
Ուրիշ հոգսեր եմ մաշում,
Ուրիշ է բեռս։
Ուրիշ ակներ են բացվել,
Ուրիշ աշխարհ են անցել
Ծանոթ ակներս։
Իմ տարեկից աշխարհից
Լոկ սարերս են մնացել
Ու քարափներս։
Քանի մահի եմ վկա,
Ո՞ւր է կորել ու չկա
Ծույլ Գաբրիելս։
Ետ դառնալու ճար կա՞ որ,
Տեսնես ո՞ւմ էր հարկավոր
Այսքան ապրելս։

Speechless · 20 Jan 07, 04:03

ՍԱՐԵՐ

Հազար շապիկ մաշած սարեր,
Իրար ծոցում
Իրար կարոտ քաշած սարեր,
Քարոտ սարեր, խավոտ սարեր,
Սարեր, ձեզ ի՞նչ ասեմ։

Իրար բաշից կախված սարեր,
Աստծո փեշից կախված սարեր,
Բարձրիկ սարեր, քաղցրիկ սարեր,
Սարեր, ձեզ ի՞նչ ասեմ։

Հազար որոտ լսած սարեր,
Ամպերի մեջ մրսած սարեր,
Թրջված սարեր, թրծված սարեր,
Սարեր, ձեզ ի՞նչ ասեմ։

Գլուխ գլխի քնած սարեր,
Արևի մեջ շիկնած սարեր,
Օրհնած սարեր, հոգնած սարեր,
Սարեր, ձեզ ի՞նչ ասեմ։

Հազար ամպրոպ տեսած սարեր,
Հազար ճամփորդ տեսած սարեր,
Փորձված սարեր, փոխված սարեր,
Սարեր, ձեզ ի՞նչ ասեմ։

Խոսք-աղոթքի կարոտ սարեր,
Մարդու ոտքի կարոտ սարեր,
Սարոտ սարեր, ցավոտ սարեր,
Սարեր, ձեզ ի՞նչ ասեմ։

Speechless · 20 Jan 07, 04:03

ԱՄՊՐՈՊ

1

Երկնքում բամբյուն ու բոց,
Երկնքում կայծ ու կռիվ...
Բախվում են խորթ ու խռով
Ամպերը խռիվ-խռիվ։

Խրվում են իրար երախ,
Խրտնում են իրար գրկից,
Թռնում են իրար թիկունք,
Բռնում են իրար բկից։

Չոքում են իրար կրծքի,
Ճեղքում են իրար ճակատ,
Կտրում են իրար լեզու,
Ջարդում են դաստակ ու մատ։

Հոգնում են որոտալուց,
Քրտնում են, ջուր են դառնում,
Փլվում են երկրի վրա,
Ամեն ինչ իրար խառնում։

Կարկուտը ուշաթափված
Ընկնում է լեռան բաշին,
Կայծակը բլրին խփում,
Պոկում է գլխի կաշին։

Ամպրոպ է խմում քամին,
Հարբում է լիրբը լրիվ,
Հեգնում է, ում պատահի,
Բորբոքում վեճ ու կոիվ։

Ծառերը բռնում նրան,
Ասում են,— ինչքա՞ն մրսենք,
Մի ոռնա, ամբարտավան,
Բան ասա, թող բան լսենք։

Եվ քամին խոսք է խոսում.
— Ամպրոպ է, ինչքան ջանա,
Արևը քիթը հանի՝

Ամեն ինչ կվերջանա։

2

Աստված գիտե, թե ինչ արավ,
Իրար տվեց, իր մեջ առավ
Խութն ու խոռոչը,
Երկար ժամ էր, թե կարճ տարի,
Չհասկացանք այս աշխարհի
Այոն ու ոչը...

Ջուրը տվեց հողին ծարավ,
Տիղմ ու փրփուր ծովին տարավ,
Այս էր ամբողջը...
Գետի վրա ու կածանի
Թրթռում է ծիածանի
Կտրված պոչը...

Speechless · 20 Jan 07, 04:04

ԱՄՊԸ

Ամպը հառաչում էր լեռան լանջին,
Դողում, սարսռում էր հասակով մեկ։
Գալիս, փաթաթվում էր վեցկու մաճին,
Հետո թավալվում էր ակոսի մեջ։

Հետո վեր էր կենում, շտկում իրեն,
Կրկին ձևեր փոխում նա զանազան,
Բարձրանում էր հետո կողերն ի վեր
Եվ շիկացած ուսն էր շփում եզան...

Իսկ ճաշթողի ժամին դառնում էր շուն,
Թաթերին էր դնում դունչը մռայլ,
Նայում էր ապուրի տաք գոլորշուն,
Թվում էր ուր-որ է պիտի մռռար։

Բայց չէր մռռում, ավաղ, վեր էր կենում,
Մացառներին թողած պոչը փռչոտ,
Նայում սարերն ի վեր, սարերն էր գնում,
Գնում էր չորեքթաթ կամ չոքեչոք։

Գնում էր, չէր լսում,— Այդ ո՞ւր, Բողա՛ր...
Ի՞նչ Բողար, ճախրում էր, չէր նայում ետ։
Գնում էր, որ վաղը երկինքն ի վար
Դառնար կայծակ, կարկուտ, դառնար աղետ:

Speechless · 20 Jan 07, 04:05

ՎԱՌՎԵՑԻՆ ԱՄՊԻ...

Վառվեցին ամպի փետուրներն օդում,
Եվ հանկարծակի եկած արտույտի
Գանգրահեր երգը մնաց կոկորդում։

Կապտեցին կարմիր կողերը լեռան,
Եվ մայրամուտը մեռավ ձորերում,
Եվ աչքերիս մեջ շողերը մեռան;

Speechless · 20 Jan 07, 04:05

ՊԱՌԿԵԼ Է ԾԱՌԻ ՍՏՎԵՐՆ ԱՆՇՇՈՒԿ

Պառկել է ծառի ստվերն անշշուկ,
Մեջքին է ընկել թաց գետնի վրա։
Խեղճը կմրսի...
Արդեն սարսռում, սևին է տալիս,
Դողում են արդեն ծնկները նրա,
Շրթունքներն արդեն իրար չեն գալիս։
Ես ի՞նչ անեմ, ծա´ռ։ Նստեմ համբերե՞մ,
Թե ելնեմ գնամ կացինը բերեմ։
Թե՞ ես էլ պառկեմ թաց գետնի վրա,
Ստվերի կողքին,
Շոշափեմ նրա զարկերակը թույլ,
Ճակատը շփեմ,
Գուցե թե փրկեմ ես նրա հոգին։
Ես ի՞նչ անեմ, ծա´ռ...
Ավելի լավ է, քանի չի դիպել
Միջօրեի թեժ ձեռքը մազերիդ,
Եվ արևը դեռ չի հասել զենիթ,
Ստվերդ ծալեմ դնեմ ծոցիս մեջ,
Վեր կենամ գնամ,
Ինքը տաքանա, ու ես զովանամ։

Today's Posts
Last two days	Last 3 days
Last week	Today's Posts LIFE

20 Jan 07, 04:01	#43 (permalink)
Speechless No Matter Who VIP Ultra Club Join Date: Nov 2006 Location: Big City Age: 37 Posts: 20,519 Rep Power: 38	ՄԵՆՔ ԻՐԱՐ ՃԱՆԱՉՈՒՄ ԷԻՆՔ Մենք իրար ճանաչում էինք, Իրար հետ կանաչում էինք, Մեր բակի ծառիկը ու ես։ Մենք իրար ճանաչում էինք, Իրար հետ կարկաչում էինք, Մեր գետի ալիքը ու ես; Մենք իրար ճանաչում էինք, Իրար հետ հառաչում էինք, Մեր դաշտի ծաղիկը ու ես։ Մենք իրար ճանաչում էինք, Իրարից ամաչում էինք, Մեր սարի եղնիկը ու ես։ Մենք իրար ճանաչում էինք Իրար հետ շառաչում էինք, Մեր ձորի մրրիկը ու ես... Մի ուրիշ աշխարհ է աճում, Գեթ մենք ենք իրար ճանաչում, Մեր լքված տանիքը ու ես։ Մթնում է, ճրագը վառում Եվ տխուր իրար ենք նայում՝ Իմ հոգնած տարիքը ու ես;
	__________________ Даже перед тем как открыть шкаф, сперва постучи.

20 Jan 07, 04:02	#44 (permalink)
Speechless No Matter Who VIP Ultra Club Join Date: Nov 2006 Location: Big City Age: 37 Posts: 20,519 Rep Power: 38	ՈՒՐԻՇ ՁԿՆԵՐ ԵՆ ՋՐՈՒՄ Ուրիշ ձկներ են ջրում, Ուրիշ ջրով են ջրում Սիրած մարգերս։ Ուրիշ հավքեր են թռչում, Ուրիշ ցողեր են թրջում Հոգնած ոտքերս։ Ուրիշ աչքեր են լալիս, Ուրիշ ձեռքեր են գալիս Սեղմում ձեռքերս։ Ուրիշ լավեր են քայլում, Ուրիշ ցավեր են այրում Ուրիշ վերքերս։ Ուրիշ մամուռ է քարին, Ուրիշ ամպեր են սարին, Ո՞ւր են ամպերս։ Ուրիշ մեղքեր եմ քաշում, Ուրիշ հոգսեր եմ մաշում, Ուրիշ է բեռս։ Ուրիշ ակներ են բացվել, Ուրիշ աշխարհ են անցել Ծանոթ ակներս։ Իմ տարեկից աշխարհից Լոկ սարերս են մնացել Ու քարափներս։ Քանի մահի եմ վկա, Ո՞ւր է կորել ու չկա Ծույլ Գաբրիելս։ Ետ դառնալու ճար կա՞ որ, Տեսնես ո՞ւմ էր հարկավոր Այսքան ապրելս։
	__________________ Даже перед тем как открыть шкаф, сперва постучи.

20 Jan 07, 04:03	#45 (permalink)
Speechless No Matter Who VIP Ultra Club Join Date: Nov 2006 Location: Big City Age: 37 Posts: 20,519 Rep Power: 38	ՍԱՐԵՐ Հազար շապիկ մաշած սարեր, Իրար ծոցում Իրար կարոտ քաշած սարեր, Քարոտ սարեր, խավոտ սարեր, Սարեր, ձեզ ի՞նչ ասեմ։ Իրար բաշից կախված սարեր, Աստծո փեշից կախված սարեր, Բարձրիկ սարեր, քաղցրիկ սարեր, Սարեր, ձեզ ի՞նչ ասեմ։ Հազար որոտ լսած սարեր, Ամպերի մեջ մրսած սարեր, Թրջված սարեր, թրծված սարեր, Սարեր, ձեզ ի՞նչ ասեմ։ Գլուխ գլխի քնած սարեր, Արևի մեջ շիկնած սարեր, Օրհնած սարեր, հոգնած սարեր, Սարեր, ձեզ ի՞նչ ասեմ։ Հազար ամպրոպ տեսած սարեր, Հազար ճամփորդ տեսած սարեր, Փորձված սարեր, փոխված սարեր, Սարեր, ձեզ ի՞նչ ասեմ։ Խոսք-աղոթքի կարոտ սարեր, Մարդու ոտքի կարոտ սարեր, Սարոտ սարեր, ցավոտ սարեր, Սարեր, ձեզ ի՞նչ ասեմ։
	__________________ Даже перед тем как открыть шкаф, сперва постучи.

20 Jan 07, 04:03	#46 (permalink)
Speechless No Matter Who VIP Ultra Club Join Date: Nov 2006 Location: Big City Age: 37 Posts: 20,519 Rep Power: 38	ԱՄՊՐՈՊ 1 Երկնքում բամբյուն ու բոց, Երկնքում կայծ ու կռիվ... Բախվում են խորթ ու խռով Ամպերը խռիվ-խռիվ։ Խրվում են իրար երախ, Խրտնում են իրար գրկից, Թռնում են իրար թիկունք, Բռնում են իրար բկից։ Չոքում են իրար կրծքի, Ճեղքում են իրար ճակատ, Կտրում են իրար լեզու, Ջարդում են դաստակ ու մատ։ Հոգնում են որոտալուց, Քրտնում են, ջուր են դառնում, Փլվում են երկրի վրա, Ամեն ինչ իրար խառնում։ Կարկուտը ուշաթափված Ընկնում է լեռան բաշին, Կայծակը բլրին խփում, Պոկում է գլխի կաշին։ Ամպրոպ է խմում քամին, Հարբում է լիրբը լրիվ, Հեգնում է, ում պատահի, Բորբոքում վեճ ու կոիվ։ Ծառերը բռնում նրան, Ասում են,— ինչքա՞ն մրսենք, Մի ոռնա, ամբարտավան, Բան ասա, թող բան լսենք։ Եվ քամին խոսք է խոսում. — Ամպրոպ է, ինչքան ջանա, Արևը քիթը հանի՝ Ամեն ինչ կվերջանա։ 2 Աստված գիտե, թե ինչ արավ, Իրար տվեց, իր մեջ առավ Խութն ու խոռոչը, Երկար ժամ էր, թե կարճ տարի, Չհասկացանք այս աշխարհի Այոն ու ոչը... Ջուրը տվեց հողին ծարավ, Տիղմ ու փրփուր ծովին տարավ, Այս էր ամբողջը... Գետի վրա ու կածանի Թրթռում է ծիածանի Կտրված պոչը...
	__________________ Даже перед тем как открыть шкаф, сперва постучи.

VIP Forums Muzblog Chat Games Gallery. Форум, муздневники, чат, игры, галлерея.

Literature and Culture Literature – are news, that will never become out of date. (Ezra Pound) When everything is forgotten, culture remains. (Edward Errio)

Համո Սահյան (Амо Сагян )

20 Jan 07, 04:04	#47 (permalink)
Speechless No Matter Who VIP Ultra Club Join Date: Nov 2006 Location: Big City Age: 37 Posts: 20,519 Rep Power: 38	ԱՄՊԸ Ամպը հառաչում էր լեռան լանջին, Դողում, սարսռում էր հասակով մեկ։ Գալիս, փաթաթվում էր վեցկու մաճին, Հետո թավալվում էր ակոսի մեջ։ Հետո վեր էր կենում, շտկում իրեն, Կրկին ձևեր փոխում նա զանազան, Բարձրանում էր հետո կողերն ի վեր Եվ շիկացած ուսն էր շփում եզան... Իսկ ճաշթողի ժամին դառնում էր շուն, Թաթերին էր դնում դունչը մռայլ, Նայում էր ապուրի տաք գոլորշուն, Թվում էր ուր-որ է պիտի մռռար։ Բայց չէր մռռում, ավաղ, վեր էր կենում, Մացառներին թողած պոչը փռչոտ, Նայում սարերն ի վեր, սարերն էր գնում, Գնում էր չորեքթաթ կամ չոքեչոք։ Գնում էր, չէր լսում,— Այդ ո՞ւր, Բողա՛ր... Ի՞նչ Բողար, ճախրում էր, չէր նայում ետ։ Գնում էր, որ վաղը երկինքն ի վար Դառնար կայծակ, կարկուտ, դառնար աղետ:
	__________________ Даже перед тем как открыть шкаф, сперва постучи.

20 Jan 07, 04:05	#48 (permalink)
Speechless No Matter Who VIP Ultra Club Join Date: Nov 2006 Location: Big City Age: 37 Posts: 20,519 Rep Power: 38	ՎԱՌՎԵՑԻՆ ԱՄՊԻ... Վառվեցին ամպի փետուրներն օդում, Եվ հանկարծակի եկած արտույտի Գանգրահեր երգը մնաց կոկորդում։ Կապտեցին կարմիր կողերը լեռան, Եվ մայրամուտը մեռավ ձորերում, Եվ աչքերիս մեջ շողերը մեռան;
	__________________ Даже перед тем как открыть шкаф, сперва постучи.

20 Jan 07, 04:05	#49 (permalink)
Speechless No Matter Who VIP Ultra Club Join Date: Nov 2006 Location: Big City Age: 37 Posts: 20,519 Rep Power: 38	ՊԱՌԿԵԼ Է ԾԱՌԻ ՍՏՎԵՐՆ ԱՆՇՇՈՒԿ Պառկել է ծառի ստվերն անշշուկ, Մեջքին է ընկել թաց գետնի վրա։ Խեղճը կմրսի... Արդեն սարսռում, սևին է տալիս, Դողում են արդեն ծնկները նրա, Շրթունքներն արդեն իրար չեն գալիս։ Ես ի՞նչ անեմ, ծա´ռ։ Նստեմ համբերե՞մ, Թե ելնեմ գնամ կացինը բերեմ։ Թե՞ ես էլ պառկեմ թաց գետնի վրա, Ստվերի կողքին, Շոշափեմ նրա զարկերակը թույլ, Ճակատը շփեմ, Գուցե թե փրկեմ ես նրա հոգին։ Ես ի՞նչ անեմ, ծա´ռ... Ավելի լավ է, քանի չի դիպել Միջօրեի թեժ ձեռքը մազերիդ, Եվ արևը դեռ չի հասել զենիթ, Ստվերդ ծալեմ դնեմ ծոցիս մեջ, Վեր կենամ գնամ, Ինքը տաքանա, ու ես զովանամ։
	__________________ Даже перед тем как открыть шкаф, сперва постучи.