VIP Forums Muzblog Chat Games Gallery. Форум, муздневники, чат, игры, галлерея.

Հարցազրույց Առաքել Մովսիսյանի հետ(Շմայս)...


ԱՎԱՐՅԱՅԻ ՃԱԿԱՏԱՄԱՐՏ

ԵՍ ՉԵՄ ԸՆԴՈՒՆՈՒՄ ՔԻԼԼԵՐ ՀԱՍԿԱՑՈՂՈՒԹՅՈՒՆԸ
«Ավարյան» չի նայում ընկեր, ախպեր, պաշտոնյա


Հարցազրույց ԱԺ պատգամավոր, Հանրապետական կուսակցության ներկայացուցիչ Առաքել Մովսիսյանի` Շմայսի հետ:

- Պարոն Մովսիսյան, մինչ Դուք ԱՄՆ-ում էիք, Հայաստանում հրապարակվեց փաստահավաք խմբի ընդդիմադիր անդամների զեկույցը: Ըստ տեղեկությունների, ի թիվս այլ պաշտոնյաների ու գործարարների, նաեւ Դուք եք Ձեր թիկնապահների, քիլլերների ու մերձավորների համար հանդերձանք ձեռք բերել Պաշտպանության նախարարությունից, եւ մարտի 1-ի գիշերը նաեւ նրանք են գնդակահարել խաղաղ ցուցարարներին:

- Նախ թիկնապահ հասկացողությունը չգիտեմ ինչ բան ա, չի եղել երբեւիցե: Ոչ էլ վարորդ եմ ունեցել: Երկրորդն էլ, էդ Ձեր ասած քիլլեր, կիլլեր հասկացողությունն ընդհանրապես չեմ ընդունում: Երրորդն էլ` մարտի 1-ին ընդամենը իմ առօրյա աշխատանքների մեջ եմ եղել:

- Ո՞րն է Ձեր առօրյա աշխատանքը:

- Ազգային ժողովում գիշերը արտահերթ է եղել, իմ տարածքում եմ եղել:

- Բայց կրակոցները մինչեւ ԱԺ արտահերթ նիստն են հնչել:

- Ես այնտեղ չեմ եղել, ներկա չեմ եղել, չեմ կարա ասեմ:

- Բայց ինչո՞ւ է ցուցակում հենց Ձեր անունը նշված, որ Ձեր մերձավորներն են մասնակցել մարտի 1-ի արյունահեղությանը:

- Ինչ-որ մեկը երեւի հղի ա, չի կարում ազատվի հղիությունից, դրա համար էլ միշտ իմ անունը ուր ասես հոլովում են:

- Ո՞ւմ եք ակնարկում:

- Ես չգիտեմ, թող գնան, իմ տարածքի ժողովրդից հարցնեն` նման հասկացողություն ընդհանրապես գոյություն ունեցե՞լ ա կյանքում, թե ոչ: Տարածքիս բնակիչներն իրանց կսատկացնեն, որովհետեւ ես ժողովրդի կողմից ընտրված պատգամավոր եմ:

- Ո՞վ է Ձեր վատը կամենում, որ Ձեր անունը հոլովում է:

- Նախանձում են, խանդում են, որ ինձ ընդունում են, իսկ իրանք, որ տարիներով ԱԺ-ում են... Ես իմ ժողովրդի համար գիշեր-ցերեկ տանջանքներ եմ կրում, որ իմ ժողովուրդը չզգա ճգնաժամ եւ սովի չմատնվի:

- Ո՞նց եք տանջվում:

- Դպրոցից սկսած, գյուղատնտեսությանն եմ օգնում, հնարավորին սահմաններում նեղ մարդկանց ապահովում եմ փայտով եւ այլն: Աշխատում եմ թեկուզ իմ չնչին հնարավորության չափով օգտակար լինեմ իմ ժողովրդին: Մնացածը ինձ չի հետաքրքրում, թե ով ինչ ա ասում: Խանդն ա, հասկանո՞ւմ եք:

- Ասում են, որ Սերժ Սարգսյանի ընտրության ժամանակ Դուք մեծ գումարներ եք ծախսել եւ հիմա` այս ճգնաժամի պայմաններում չեք կարողանում վերականգնել Ձեր գումարները:

- Խի իմ ժողովրդի հարգանքն ու պատիվը կարող ա՞ չկա, որ ես փողեր պետք ա ծախսեմ: Որտեղ ես, ընդեղ իմ ժողովուրդն իմ հետ ա: Միանշանակ, ցանկացած ընտրություն, եթե ինձ անհրաժեշտ է իմ կուսակցության համար, երբ կոչ եմ անում, իմ կողքին կանգնած են: Ոչ մի կոպեկ գումար իմ ժողովուրդը չի ստացել:

- Բա Սերժ Սարգսյանին ինչպե՞ս եք աջակցել:

- Շարժման առաջին օրվանից եմ ես աջակցել: Ղարաբաղի պատերազմի առաջին օրվանից մինչեւ էսօր ես եւ իմ եղբայրները ամբողջովին նվիրված ենք եղել մեր ժողովրդին, քանի որ մենք ունենք անցած ճանապարհ, չենք կարող էդ ճանապարհից հետ կանգնել:

- Ես Սերժ Սարգսյանի աջակցության մասին էի հարցնում:

- Մարտական ընկերներ ենք ու աջակցելու եմ ընդմիշտ: Ինքը որպես նախագահ լավ նախագահ ա:

- Սերժ Սարգսյանի վարած հայ-թուրքական հարաբերությունների ջերմացման քաղաքականության կո՞ղմ եք:

- Ես նախագահի որոշումներին դեմ չեմ գնում, իր կողքին կանգնած եմ: Նրա որոշումները երբեք չեմ քննարկում:

- Ուզո՞ւմ եք, որ հայ-թուրքական սահմանը բացվի:

- Երբ որ ժամանակը գա, մեր նախագահը ոնց որոշել է, տենց էլ կլինի:

- Մի բան էլ. խոսակցություններ կան, որ Դուք իշխանության մեջ եք մնում միայն այն բանի համար, որ կասկածներ ունեք, թե տարիներ առաջ ավտովթարի ենթարկված Ձեր եղբայրն իրականում ավտովթարից չի մահացել: Եվ հիմա Դուք ներքին հետաքննություն եք իրականացնում` իրական մեղավորներին բացահայտելու համար: Այո՞:

- Նախ իմ եղբայրը 4-րդ անգամ «ավարյա» տվեց, լավ չէր քշում մեքենա, չէր էլ սիրում վարորդ պահել` ոնց որ ես չեմ սիրում: 4-րդ անգամ մահից փրկվավ, բայց 5-րդ անգամ չփրկվեց: Ամաչում էր վարորդ պահեր, որովհետեւ գյուղացու մեջ մեծացած մարդը դժվարանում ա, ամաչում ա: Սիրում էր ինքը նստեր եւ ուր ուզեր, գնար: Վարորդին անընդհատ պիտի ասեր` գնա ստեղ, ընդեղ, էն ա, ինքն էր քշում:

- Այսինքն, կասկածներ չունե՞ք:
- Ոչ մի կասկած չունեմ: Ես անձամբ եմ գնացել դեպքի վայր: Մեքենայի մասերը 500 մետր էս ու էն կողմ թափված էին: Ցավոք, իմ ախպերը չփրկվեց: Ընդհանրապես հազարավոր ընկերներ ենք կորցրել «ավարյայից». որ ամեն մեկին ասենք, թե մտածված էր, սարքած էր, ուր կհասնի: «Ավարյան» չի նայում ընկեր, ախպեր, պաշտոնյա: Բայց Աստված մեր հետ ա, ի՞նչ ասեմ:

Attached Images

 

__________________
bleib mal cool...