Ահա հաղորդագրության օրիգինալը

Մայր Աթոռ Ս. Էջմիածին
Տեղեկատվական Համակարգ
Հեռ.: (374 10) 517 128
Հեռատիպ: (374 10) 517 301
Էլ-փոստ: holysee@etchmiadzin.am
Տնօրեն` Տ. Վահրամ քհն. Մելիքյան


ՀԱՂՈՐԴԱԳՐՈՒԹՅՈՒՆ
Սեպտեմբերի 19, 2007 թ.

Նոր հրատարակություն. Արշակ Տեր-Միքելյան ՙՀայաստանյայց Սուրբ Եկեղեցու Քրիստոնեականը՚

Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի օրհնությամբ Մայր Աթոռ Սուրբ Էջմիածնի հրատարակչական բաժինը վերահրատարակել է Արշակ Տեր-Միքելյանի` մոտ մեկ դար առաջ հեղինակած ՙՀայաստանյայց Սուրբ Եկեղեցու Քրիստոնեականը՚ դավանաբանական ձեռնարկը:
Արշակ Տեր-Միքելյանի այս ձեռնարկն առաջին անգամ համակարգված կերպով ներկայացնում է Հայաստանյայց Առաքելական Սուրբ Եկեղեցու դավանությունը գիտական մակարդակով և մինչև այսօր պահպանում է իր այժմեականությունն ու արժեքը:
Մայր Աթոռ Սուրբ Էջմիածնի հրատարակչական բաժինը պատրաստել է դասագրքի սույն վերահրատարակությունը դասական ուղղագրությամբ, ինչպես որ հրատարավկել է բնագիրը, և արդի արևելահայերենի ուղղագրությամբ` գրաբար մեջբերումներում պահպանելով դասական ուղղագրությունը: Վերացվել են բնագրի տպագրական սխալները, կետադրությունը համապատասխանեցվել է այսօրվա գործող կանոններին: Ծանոթագրությունները կազմել է Հ. Քյոսեյանը: Գրքի վերահրատարակման գործում մեծ ավանդ է ունեցել Վիրահայոց թեմի առաջնորդ Տ Վազգեն եպիսկոպոս Միրզախանյանը: Գրքի վերահրատարակումն իրականացվել է մեկենասությամբ Սիմոն և Ռուզաննա Աղազարյանների:

__________________

Եկեղեցին Հայկական ծննդավայրն է հոգուս... (Վ. Թեքեյան)