View Single Post
Old 19 Feb 08, 12:26   #311 (permalink)
STS
Persona grata
VIP Club
STS's Avatar
Join Date: Jan 2008
Location: Հայաստան, Երևան
Posts: 74
Rep Power: 14 STS is on a distinguished road
Պատասխանը: Elections of president in Armenia 2008 Նախագահական ընտրությունները Հայաստանում Президентские выборы в Армении

՚ԳՅՈՒՄՐԻՈՒՄ ԸՆՏՐՈՒԹՅՈՒՆՆԵՐԸ ԽԱՅՏԱՌԱԿՈՒԹՅՈՒՆ ԵՆՙ
[13:19] 19 Փետրվարի, 2008

Գյումրիում երեկվանից մասսայաբար բաժանվում է ընտրակաշառք: Այս մասին ՚Ա1+ՙ-ին հայտնեցին Գյումրիի ԳԱԼԱ հեռուստաընկերությունից, որտեղ երեկվանից սկսած ձայնագրում են բոլոր ահազանգերը: Ի դեպ, դրանց թիվը 100-ից անցնում է, արված ձայնագրությունը մոտ 4 ժամ է:

Այսօր առավոտից հեռախոսազանգերի տարափը եւս չի դադարում: ՚Բոլորը մեզ են զանգահարում, չգիտես ինչու եւ խնդրում են, թե մի բան արեք, քանի որ խայտառակություն է, այսպիսի ընտրություն դեռ չի եղելՙ,- ՚Ա1+ՙ-ին հայտնեց ԳԱԼԱ-ի գործադիր տնօրեն Կարինե Հարությունյանը:

Ահազանգերից մեկը վերաբերում էր նրան, որ ընտրատեղամասերից մեկի դիմաց կանգնած են եղել ՚Գազելներՙ, ավտոմեքենաներ, որտեղից ընտրակաշառք են բաժանում բոլոր նրանց , որոնք գալիս մտնում են այդ մեքենանների մեջ եւ ընտակաշառքը վերցնելով՝ մտնում են ընտրատեղամաս: ՚Մենք այդ մեքենաներից շատերի համարները նույնիսկ ունենք: Պատկերացնում եք՝ լկտիությունը հասել է այն գագաթնակետին, որ ոստիկանության մեքենան ընտրակաշառքի մեքնայի կողքին կանգնած ոչ մի կերպ չի արձագանքել այդ ամենին: Ի դեպ, ընտրակաշառքի բաժանման մեխանիզմի մեջ ներքաշված են նաեւ մարզպետարանի, քաղաքապետարանի աշխատակիցներ, որոնք կարգավորում են ընտրակաշառքի բաժանումըՙ,- ՚Ա1+ՙ-ին ասաց ԳԱԼԱ-ի քաղաքական մեկնաբան Դերենիկ Մալխասյանը:

Նորավան թաղամասի 18 դպրոցից էլ ահազանգ է ստացվել այն մասին, որ ուսմասվարն ուսուցիչների հետ միասին կազմակերպում է կրկնակի քվեարկություն: Դպրոցի հետեւի մասից մարդկանց հանգիստ ներս են մտցնում, քանի որ հանձնաժողովում իրենց մարդիկ են, ու տեղի է ունենում կրկնակի քվեարկություն: ՚Այսինքն՝ ընտրված մարդիկ, ետեւից մտնելով, նորից քվեարկում են ու առջեւի դռնից դուրս գալիսՙ,- տեղեկացեց Դերենիկ Մալխասյանը:

Սովխոզ թաղամասից էլ ահազանգել են, որ բնակիչներին տներից ստիպողաբար հանում են եւ ուղարկում քվեարկության: Այս պարագայում, սակայն, ընտրակաշառք կամ բաժանում են, կամ՝ ոչ:

Մի շարք թաղային հեղինակություններ 10-րդ դպրոցում բաց քվեարկություն են կազմակերպել՝ գումարը բաժանել են ու հետո ընտրողի գլխի վերեւը կանգնած ստուգել, թե ում օգտին նա քվեարկեց:

Գյումրիի բոլոր բյուջետային հիմնարկներին ղեկավարներ էլ հրահանգել են իրենց աշխատակիցներին՝ ընտրությունը կատարել մինչեւ ժամը 13:00-ն: ՚Այնուհետեւ՝ այդ ժամին աշխատակիցներն իրենց անձնագրերով պարտավոր են ներկայանալ աշխատատեղի: Ընդ որում՝ եղել են նաեւ աշխատանքից ազատվելու սպառնալիքներ, եթե մարդիկ անձնագրերը չհավաքվենՙ,- ՚Ա1+.-ին փխանցեց Կարինե Հարությունյանը: Իսկ ԱԺ Գյումրիի մի շարք պատգամավորներ էլ, որոնք այստեղ ունեն որոշ սեփականություններ, նորից աշխատանքից ազատման սպառնալիքով, աշխատակիցներին պարտադրել են բերել իրենց ու իրենց հարազատների անձնագրերը:

Ի դեպ, հեռուստաընկերության տեսախցիկը հասցնում է ֆիքսել այն ամենը, ինչ տեսնում է: Բայց մարդիկ, տեսնելով տեախցիկը, անմիջապես փախչում են կամ մտնում շենքերի արանքները, մուտքերի մեջ: Իսկ այլ բնույթի խոչընդոտներ չեն եղել:

Ի դեպ, Գյումրիից Երեւան բերող երթուղայիններ մինչեւ ժամը 11:00-ը չեն եղել: Այդ ժամից հետո Երեւանից եկող երթուղայիններն էլ նորից ետ են դարձել: Ինչ վերաբերում է քաղաքային տրանսպորտին, ապա Գյումրիի քաղաքապետարանին ենթակա երթուղայիններն ու մարզպետարանի հաշվեկշռին նստած ավտոբուսները սպասարկում են մարդկանց ընտրատեղամասից շտաբ եւ հետ տանելուն:
 
STS is offline  
Reply With Quote
 
 

All times are GMT +4. The time now is 11:30.

 v.0.91  v.1  v.2 XML Feeds JavaScript Feeds


Powered by vBulletin® Version 3.8.7
Copyright ©2000 - 2021, vBulletin Solutions, Inc.



Liveinternet
User Control Panel
Networking Networking
Social Groups Social Groups
Pictures & Albums All Albums
What's up
Who's Online Who's Online
Top Statistics Top Statistics
Most Active Forumjans Most Active Forumjans

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60